又多間韓國過江龍！當地人都推介的「鳳雛燉雞」進軍香港

2016年下半年特別多韓國過江龍餐廳來港，以炸雞店為主，先有劉在錫代言的NENE Chicken，後有進駐大坑的Two Two Chicken。 

嫌炸雞熱氣？韓式傳統燉雞又如何呢？連韓國當地人都推薦的「鳳雛燉雞」繼登陸台灣後，終於在12月來港開業啦！ 

燉雞店位於旺角彌敦道一幢餐廳林立的大廈內，香港店設計參考韓國當地，放有安東的傳統面具，約有80個座位，適合多人聚餐。

食品由於韓國鳳雛工作過的大廚主理，加上由韓國直送醬汁，盡量做到原汁原味。

招牌菜必然要數「鳳雛燉雞」，有細、中、大辣可選，細份$138，大份則賣$258，足足一隻雞供4-6人享用。

以特調醬汁炮製，加入大量蘿蔔、薯仔、洋蔥，以韓式冬粉墊底，煙韌入味。

建議先試冬粉，避免太腍糊掉；之後再慢慢品嚐雞件，雖然味道幾惹味，但肉質未做到十分嫩滑，期望正式開業後會有改善。

同行多人的話，可追加飯焦餅，食到尾聲拌入醬汁和蔬菜之中，又有另一番風味。燉雞以外，鳳雛香港店還有供應炸雞和辣雞扒沙律，名副其實「全部都係雞」！

更多人氣食品包括「芝士雞蛋卷（$70）」、「海鮮煎餅（$90）」、「紫菜包飯（$50）」等等，較韓國分店多元化。

餐廳由即日起開始試業，試業期間只做晚市及只收現金，晚市時段為5pm-10pm。