鶴咀 - 景色怡人的海洋保育基地（上）

咁耐以來，去過鶴咀2次，因為第一次來時多雲陰天，於是襯早前好天再去一次，如果直接搭車入鶴咀，相信係最方便快捷既方法，沿途主要都係馬路（極少車），雖然路途少少長，但都好易行 

首先，可以喺筲箕灣搭9號巴士入去，落車後就開始行車路入去

先會經過好多狗狗既鶴咀村，似乎係幫村民看門口的，唔好亂咁撩佢地喇，雖然佢地都算好乖，有部份就似乎係流浪狗

之後一直沿住車路行呀行，就會經過芽菜坑村和鶴咀村，佢地既信箱都有好可愛既公仔呢，似乎係好有愛既村啊

之後就會來到以下一個圍封設施，此時就要沿左邊落斜繞過，或者去到鐵絲網旁左邊有小路繞出去，繞過設施後就繼續可行去鶴咀海岸保護區

以上張相係攝於2015年2月，當日大霧唔好天，和以下上月影的真係差天共地呢！

繞過設施後，沿唯一路繼續行，就會見到以下廣闊海景，但不用開心得太早...  

又繼續行，經過以下廢置建築，就會去到上燈塔或到海岸保護區的分岔口

今次去天氣晴朗，時間尚早，所以決定先轉左上斜到燈塔看看 (上次天氣不佳無去)

上斜不到50M高就到了，眼見燈塔配合藍天白雲，真係無得輸！！

但之前在網上見到有人影到燈塔搭配無盡的海景，到底是如何拍的呢？

如是我們兜過燈塔，發覺左邊有條小路可沿著鐵絲網外圍走出去，但有一定危險性，建議大家勿亂試！但應該有師兄都係咁樣去到那邊位置露營等影日出吧！

(好嬲，原來WIX寫BLOG係無得返回上一步，錯按加插VIDEO鍵後成大段無左！

嚴重考慮轉用其他WEB DOMAIN！

欣賞完燈塔＋無盡海景＋完美藍天白雲後，我就落番剛才的分岔口，繼續轉落海保護區了

落到一個位要轉左，轉彎後見到的景色真係靚到呆咗！

(學人地話齋，震驚十三憶人口的美景！)

靚到咁，當然少不了影一輪相，幾乎全部人一轉彎落黎都「嘩！」一聲，然後影影影，我都唔執輸，影了2張360相

之後就繼續落，去到以下哩個牌位就停一停，因為牌既對面 (即係你既左邊) 有條小路通往下面的雷音洞

雷音洞之所以有個咁既名，係因為佢長期被海水浸食而形成既洞，海水亦會造成好大的回音，如果當時無乜人，可以試吓喺洞入面大叫一聲，可能你自己都會嚇親自己！

沿路番上路面後再直落，就會見到海岸生態保護區辦公室和佢地出海研究既小船

今次雖然已經第二次黎，但次次黎到都想去廁所，可惜係無既，所以2次都無計，黎到石灘，我地都預左有排玩！

今日分享郅哩度，下集繼續分享海岸保護區和蟹洞既旅程！

原文刊載自 MountainGirlHK，本篇圖文獲作者香港山女MountainGirlHK授權刊登，未經許可，請勿轉載。