正在閱讀
在大嶼山發現香港既小墾丁,上山下海一天遊

在大嶼山發現香港既小墾丁,上山下海一天遊

好啦,筆者偷懶左一排,又係時候要介紹一條小綠洲路線比大家啦,

絕對適合大家輕輕鬆鬆一天遊,希望大家仲會期待筆者既好介紹,

您既小小支持,絕對係對筆者係一個大大既推動力….

事不宜遲…..今次筆者帶大家去既地方係一個有景有山有水影相

既好地方….

呢個地方就係大嶼山既貝澳………我地講明會上山下海….

所以今次我地會經貝澳

再上老人山上面睇風景…而今次既行山路線都需要一定既體力,

但放心,呢度絕對唔會比上大東山辛苦…..都係個句,要有收獲,

一定要付出小小既汗水既……

今次既行山路線:

貝澳-芝麻灣懲教所-拾塱水塘-老人山-貝澳…..

今次筆者大約用左5個鐘到….已包影相,休息等等…….

我地今次會係東涌搭3M係新圍村 度落….如果怕落錯車,

可以叫司機提一提您….

一落車已經有個公廁等緊您,記住記住去定先…..

因為一陣過埋貝澳海灘就無廁所比您去…….

因為今次既行山徑係無食物補給,建議大家要帶足夠既水同乾糧….

又或者係係貝澳,沿住車站向前行,應該會見到士多,茶餐廳等等…..

醫左個肚先……

 

好….跟住您係車站過對面馬路….有一個分叉路….

沿住右手邊一直向前行…..

行大約10分鐘到,貝澳沙灘絕對出現係您眼前…….

貝澳沙灘既特色絕對係一條條沙既坑紋……

黎到絕對要影大合照啦……

留意係沙灘既附近有一幅塗鴉牆比大家影下相…….

大家又可以成班人好似筆者甘扮下英文字….

 

 

感謝筆者去行個日好好天,啲雲海亦都好靚…….

沿住海灘一直行……….您會經過露營區……

最之後係要澗少少水,筆者就提提大家記往除鞋同襪去感受

下啲水有幾清…..

您會覺得呢度真係好似墾丁,原全唔似香港……

嗱….筆者都玩左好一陣子……..

玩完先慢慢抹乾…….

最一直行….會見到呢個路牌…..

其實沿路無太多分叉路…….


一路行您會發現會經過芝麻灣郊遊徑……

但緊記…我地會行左手邊而上山……走先會由芝麻灣郊遊徑走……

一路行您會見到興建中既住宅…呢度就係拾塱新村…..

呢度既景色亦好靚…..

再一直行會見到芝麻灣懲教所……..

一路沿住芝麻灣懲教所向前行…..


您會發現有一條小秘道,可以穿過懲教所….首先往樓梯向上行…..


穿過之後您會見到您已經進入芝麻灣段……

一路行…..您會發現有路牌指不您向龍尾行……

途中會經過拾塱水塘……呢度亦十分適合影相…….

好….行山之旅正式開始……

放心沿途會有指不牌話您知點行……


由拾塱水塘行去龍尾大約要45分鐘…..

講明龍尾…甘梗係真係有條尾…..


之後大約會見到以下甘既山路…..

放心不太難行,只是需要一般體力……

大約行了50 分鐘到,就會到達老人山山頂……

老人山高303 米……..上面有一片草地比大家作息……

 

亦有一個山火僚望台,有職員駐守…….

行山遇到好天氣絕對係開心既事……

之後其實老人山仲有另一座無名山峰,

大約由老人山行大約40 分鐘左右,

當風處可以觀賞整個貝澳海灘……

對面就係大東山啦…..

最後行左大約30分鐘既沙石路,記住,沙石路比較滑,

所以一定要慢慢行,便到達了之前講既芝麻灣郊遊徑出口……

再沿住之前既路就可以出番貝澳……如果甘岩撞正太陽落山時份,

可以係貝澳海灘欣賞埋日落先走……

希望您地可以抽多一點點既時間去接觸香港既美,去感受,

去和身邊既朋友同另一半好好去分享,不要只用嘴巴去珍惜….

 

 

原文刊載自 U Blog,本篇圖文獲作者LKY的慢活生活授權刊登,未經許可,請勿轉載。 

 

活動資訊