正在閱讀
快樂其實很簡單,遠離煩囂的120 分鐘

快樂其實很簡單,遠離煩囂的120 分鐘

相信大家係假日,梗係想去relax 下,但個個地方都甘多人,點算好, 

唔想甘辛苦但又想搵一個地方可以影下相,呼吸下大自然既氣息,

甘您一定唔好錯過我今次既介紹

今次我介紹既地方係一個唔洗用腳行,唔會留好多汗,

但又可以影到靚景既地方

呢個地方就係元朗既大生圍,下…大生圍係邊架?南生圍就聽過……無錯

大生圍都係元朗既,但佢因為係一條村,而唔係一個景點,

所以您唔洗指意呢度有得食豆腐花,呢度有得食餐蛋麵….無

呢度唯一有既係寧靜同靚景,亦都係欣賞夕陽既好地方

好啦,甘究竟點樣去大生圍……好簡單,係元朗既福康街公共

小巴總站搭36 號小巴,架車係去大生圍既…車費$6.8 一位

車程大約20分鐘左右

 

因為總站係大生圍,所以您唔洗驚落錯車

一落車您會不禁嘩左一聲

景色真係好靚,加埋遇上好天氣,簡直perfect match

提提大家先,畢竟係私人地方

請各位自律,靜靜享受呢度既寧

 

因為大生圍太多分叉路,而同朋友只係想relax 甘行下

所以我地就到處影下相甘……行下甘,睇下有咩新發現

因為呢度求其搵個地方影都已經好靚

不過仲有一個溫馨小提示…呢度都有幾多狗,

不過唔洗驚,佢地都有人養

只要您唔好挑釁佢地,佢地都唔會點理您

 

呢度真係好靚,好適合影相…呢度既屋亦好colorful

令人心情好愉快

如果我既窗口對住呢個景,我唸我一定好痴家

 

呢度亦都有好多居民種下菜,晒下咸魚甘

其實大生圍既地形就好似一個正方形甘,

中間係個小池塘包圍住四邊…四邊都有小路連接住…

甘我去之前都做過下research既,

見好多影相既師兄都係呢個有船仔既位置影

甘我同朋友梗係唔執輸啦……山明水秀,唔影都對唔住自己

 

跟住去左另外一邊……係去既途中,遇上一隻懶洋洋既小貓咪

佢唔怕陌生人,仲好似好鍾意我朋友

呀….仲有,呢度既廁所真係幾企理,講真去郊遊最怕係廁所唔乾淨

 

之後去左另一邊…大生圍亦都好似南生圍甘,

有好多地方用木板建成

但呢度唔同南生圍甘,要排隊等影相…您可以大影特影

 

呢度雖然地方唔大,但真係好寫意,又唔怕同人逼

我地嘻嘻哈哈甘行下影下,甘就過左兩個鐘

之後就再搭番36號小巴出元朗行下啦

 

或者您會覺得大生圍唔同其他郊遊景點一樣,無野食,無野玩,

但我覺得呢短短既兩個鐘

真係令我覺得好寫意,而且交通又甘方便,不如好好甘約埋

成班朋友興鬆下...叉下電,渡過一個愉快的星期天

 

原文刊載自 U Blog,本篇圖文獲作者 LKY的慢活生活 授權刊登,未經許可,請勿轉載。

 

 

活動資訊