靚手工料、海鮮易回本！尖沙咀新開半任食火鍋店

坊間不少火鍋店以任食為主打，以「低價」作招徠，食物質素有時難免欠穩定和參差。

近年就有食肆看準港人對打邊爐的要求，主打手工/自家製火鍋料，推出半任食套餐，將於10月21日在尖沙咀厚福街正式開業的「101手工涮涮鍋」就是其中一間。

101手工涮涮鍋是間樓上店，有卡位及圓枱，室內設計時尚寬敞，多人聚餐都坐得舒適。

試業初期，火鍋店只設晚市，顧客可選擇單點或半任食火鍋套餐，想食得盡興，小編建議選擇放題！

原價每位收費$278，食品包括有前菜、湯鍋、任食及非任食的火鍋料以及甜品，相當豐富，而且食品款式相當多，2.5小時內可以慢慢試盡所有。

入座需選定湯鍋，除了芝士量驚人的「三重芝士雞鍋外」，人氣最高的，非皇牌「台灣香辣三杯雞涮涮鍋」莫屬！味道辛香，但不至於很辣，辣的程度叫大眾接受。

本身鍋內已有不少配料，如墨魚、番茄、娃娃菜等，當然不少得主角「台式三杯雞」！雞件炆至軟腍入味，無碎骨，落料打邊爐前可先食多幾件。

享用完涼拌前菜後，餐廳會先送上非任食的手工火鍋料，手工製作非常有心思，單看外表未必猜到食品的味道呢！

每人會有一份，全是店內的招牌食品，如「太極冬菇」、「蝦兵蟹將雪條」、「黑松露蟹子海鮮軍艦」等。

小編極力推介這款「墨魚汁鳥結糖」，在墨魚滑中加入爽脆的雞軟骨，鮮味之餘爽口程度亦叫人驚喜。

肉類方面，每兩位食客均可點選一份，選擇包括「手切安格斯Prime Grade 牛頸脊肥牛片」、「西班牙伊比利亞黑毛豬肉片」和「西班牙伊比利亞玫瑰豬頸肉」。雖然不設任食，但一份的份量也不少，而且質素頗高，輕易回本。

另有每位一份的海鮮拼盤，花甲、刀貝蜆和蟶子等海產特別新鮮，加入鍋中令湯底的甜味更突出。

至於任食火鍋料方面，一般大路的食品如丸類和蔬菜都有，款式超過50款，當中以自家製的水餃和雲吞最有驚喜，皮薄餡多，打邊爐食最啱！

享用食品前，可蘸一蘸火鍋店自家製的胡麻醬或生沙薑蓉，特別惹味。

店內的飲品也是亮點之一！所有無酒精飲品都供無限添飲，打邊爐不少得可樂，這款倒插可樂巨峰提子特飲就最適用不過，冰感清涼，爽！

喜歡熱飲朋友可試試這壺水果茶，清甜之餘亦有消滯之用。

-----------

原價每位$278

推廣價：

7:30pm前結賬或9:30pm後入座，每位特價收費$248。