正在閱讀
赤柱老香港懷舊小食。我們的集體童年回憶

赤柱老香港懷舊小食。我們的集體童年回憶

一提起赤柱,大多數人只想到陽光與海灘?

仲有海旁嘅酒吧與餐廳?

最近比我係赤柱穿梭大街小巷嘅時候,

俾我執到寶咁有新發現!

好似時光倒流咗去二十、三十年前嘅香港小食檔咁 !

赤柱江仔懷舊特色小食部,

店舖裝修和擺放的物件以60至80年代為主,

充滿懷舊風味。成牆都係60至80年代嘅黑膠唱片封套!

嘩嘩嘩!!陳百強呀~張學友呀~張國榮呀~

枱面是綠色舊時地磚貼紙,

用可樂膠箱來做枱腳!!好old school呀!

看得出老闆好用心去佈置呢間店舖!!!

仲有牛奶公司雪糕箱、維他奶箱、兒童過路牌、

古董電視、古董相機、舊電話、可口可樂搖搖、

任天堂紅白機、扭閃卡機、卡式機等等。

任天堂紅白機,你打過未?或者有人會未見過~XD

看著牆上嘅古董搖擺鐘,英女皇頭像嘅相,

古董電視機仲不停播放住80至90年代嘅舊電視廣告同電影,

食住小食,撈住舊電視汁,確實勾起很多那些年的回憶。

呢度嘅食物亦都充滿懷舊味道,

太飽嘅關係,無叫車仔麵食。

只係叫左生菜魚肉碗仔翅,

碗仔翅用懷舊雞碗!HK$28大大碗!

招牌咖哩魚蛋小辣(HK$15),咖哩汁好惹味!

其實唔算好辣,不過D咖哩汁似沙嗲汁多D!

魚蛋唔係粉團,都爽口同彈牙咖!

豬皮蘿白配咖哩汁一流,蘿白好鮮甜又冇渣! (HK$25)

最後嚟支經典孖條(HK$10)!!青檸味,炎炎夏日食完爽哂!!!

其實仲有冰菠蘿、冰芒果、魚肉燒賣、

炸雞脾,牛筋丸、腸粉、撈一丁等小食。

仲有部份兒時零食同小玩具可以買!!!

下次去開赤柱就過來江仔記一趟,

食下呢度嘅懷舊氣氛,懷緬一下!

此外,有聖士提反書院嘅舊生會紀念品代售呀啊!!!

 

原文刊載自 U Blog,本篇圖文獲作者HeiHei。嘿嘿Hea遊世界授權刊登,未經許可,請勿轉載。

 

活動資訊