熱愛優質生活

專攻少女心 漢堡包都要Tiffany Blue

地點: 荃灣荃興俓2-8號昌泰大廈地下7A舖
開放時間: 12:00pm-10:00pm
電話: 6599 9199

講到Tiffany Blue,許多少女都即時心心眼發射,這種藍不藍,綠不綠的顏色,總是有種莫名的魔力,就算由時裝到家品都染成一片Tiffany Blue,或許都不覺礙眼,有無諗過這種顏色仲可以食落肚?

2016年9月開業的Burger Jobs自創了一款名為「Tiffany Blue爆芝流心雞排漢堡」(套餐價$88),平時食雞排漢堡多,爆芝流心或者都唔算特別,但是用特別訂製的Tiffany Blue顏色漢堡包夾住,就夠晒gimmick,影相呃like一流!

Tiffany Blue是不少女生最愛的顏色,這款「Tiffany Blue爆芝流心雞排漢堡」可謂為女性顧客度身訂造,Tiffany Blue顏色漢堡包味道跟一般漢堡包無異,而漢堡包體積稍為小一點,女生都唔使擔心食唔晒,趁熱切開雞排,更可以見到裡面的芝士流心擠出來!Tiffany Blue漢堡是每日限量供應,想食就要趁早!

 

至於這裡招牌菜「美式三重芝士手打牛肉漢堡」(套餐價$98)就啱晒一眾「芝士迷」,考慮到芝士香味、口感及牽絲效果,於是調配出結合車打芝士、巴馬臣芝士及Mozzarella芝士的「三重芝士」,加埋juicy的手打牛肉漢堡,真係使唔使咁邪惡?

漢堡套餐均配薯條、沙律及汽水。

 

如果唔想食漢堡,這裡還有一款「好玩」之選,名為「芝士火山熔岩法包」($68),靈感來自於芝士火鍋,不過今次呢個就連個「鍋」都食得,因為它是將熱騰騰的芝士岩漿倒在掏空的法包之中,食的時候就將手打牛肉切粒,蘸上芝士岩漿,感覺就好似食輕盈版芝士火鍋!

 

有興趣還可加小食,同朋友開心share!

黑椒蜜糖雞翼($48 / 6隻)

 

 

內容評分
評語