不用飛去日本！世界第2好味雪糕蜜瓜包抵港

日本麵包，就算是便利店的出品，不時都帶給人一種驚為天人的感覺。

講到人氣之選，必定要數「世界第2好味雪糕蜜瓜麵包」。繼登陸台灣後，這間人氣麵包終於來到香港啦！

「世界第2好味雪糕蜜瓜麵包」散佈於日本各地，東京、北海道、大阪、福岡及沖繩等地都有分店，已被多個旅遊節目列為遊日必食之選。

香港店位於銅鑼灣景隆街，同樣只供外賣；設計跟其他地方的分店一樣，綠色的外牆很搶眼！

據了解，店主之前曾於日本金澤本店工作，直至學師完成才能返港開店，而開業初期其中一位社長更來港監督，確保味道和品質跟日本相同。

蜜瓜包每日在店內即烤，人多時每輪最多可製作100個。金黃色的蜜瓜包外層脆卜卜，夾著雪糕的確幾滋味。

開業初期將供應3款口味的雪糕蜜瓜包，包括原味雲呢拿、朱古力、抹茶，每個售$38，每日產量大概600。

店內亦會單賣蜜瓜包（不含雪糕）和蜜瓜脆曲奇，補充一句，日本蜜瓜包不是指麵包有蜜瓜味～

熱辣辣的麵包配合雪糕口感最佳，外層又脆又熱，內層冰凍滋味，記得捕捉麵包出爐時間！未來或會跟隨日本推出鹹食，如沙律蜜瓜包等。

香港店將於12月3日（星期六）開業，想潮聖的朋友/未去日本食過的朋友，記得mark實！