歎盡9款鹹甜小食！九龍灣露天餐廳$68下午茶

溫度下降涼浸浸，去草地野餐外，到露天餐廳歎下午茶也是個不錯的選擇！

坊間的下午茶價錢愈來愈親民，不再是「（偽）貴婦的玩意」，小編最近就發現九龍灣有間西餐廳Griller Spot，於下午茶時段供應特價Tea Set，二人份量只賣$68（原價$168），連加一都只是$85有找，價位非常吸引，當然要試試有無伏！

下午茶於星期一至日逢3pm-5:30pm供應，食客可選擇在室內或室外享用。露天部分環境開揚，涼爽舒服。

層架上的食品全由餐廳自家製作，部分鹹食如餡包和多士更是即叫即製，多人時等候時間可能較長。

下午茶一共包含9款食品，鹹甜小食比例平衡，就算同行朋友不特別喜愛甜品，也有不少選擇。

鹹食包括芝士雞肉Panini、士多啤梨鵝肝多士、煙三魚卷、三文魚蘋果沙律和沙律蛋。

當中兩款即烤麵包最好味，Panini外脆內軟，內層沒有浮誇的拉絲，但芝味甚濃。多士就算放涼，亦保持脆身，抵讚！（不吃鵝肝的朋友記得特別向餐廳要求）

甜品方面則有朱古力Brownie、檸檬批和兩款杯仔甜品。（款式每日或有不同） 

Brownie 加上糖霜裝飾，小編個人就覺得太甜，未必人人喜歡；反而皇牌檸檬批就驚喜十足，檸檬餡加上忌廉，酸酸甜甜，口感亦十分軟滑。

Tea Set 還附送兩杯飲品，免費飲品包括咖啡、奶茶、檸茶等；食客亦可加$10享用其他飲品，如特色咖啡、沙冰和果汁。

水果味沙冰並非以鮮果打成，味道不太天然，建議選擇朱古力和綠茶味。

*溫馨提示：座位有限，記得訂座