一次試勻兩款味！韓國分享樽鴛鴦特飲

韓風繼續吹~~韓國餐廳Kim's bowl及Kim 's Spoon首推韓國大熱Couple Bottle，一支飲品有齊兩種口味，貪心鬼至愛！加上顏色撞到靚一靚，遠處看到它都被吸引，忍不住要order一支！

Couple Bottle一樽分為二，放兩款不同口味的飲品，另一特別之處在於扭扭設計的樽蓋，飲用時扭到特定口味，就可以隨時轉換味道，或者跟朋友分享，一人一隻味。

由11月7日起，可以於Kim's bowl買到Natural Field (提子+橙)、Sweet 'n Sour (士多啤梨+柚子乳酸 )，12月底就可以買到The Green Gent (玄米+綠茶）及Ms. Bora (玄米+紫薯），每支$28。 

粉紅撞白色的Ms. Bora (玄米+紫薯），單是賣相就已經攞滿分，一打開樽蓋，香濃玄米味立即湧出來，玄米用上韓國專利配方的玄米米漿，除米香味，還帶點燒焦味。另一邊的紫薯就比較遜色，完全被玄米味蓋過。

而醒晨梳打（西柚+檬檬梳打）、冰藍精靈（青蘋果+藍橙梳打）則由11月7日起在Kim 's Spoon發售，韓迷之選（橙汁+玄米）、營之清甜（提子+蘋果）將於11月14日起發售，每支$32。

另有搶眼的有汽特飲，冰藍精靈（青蘋果+藍橙梳打），影相一流！選用韓國直送青蘋果，蘋果味甚濃，帶微酸，但藍橙梳打並無橙味，反而似波子汽水。

還有同是以情侶為主題的泡菜+牛肉 Couple Kimbap $44，包裝紙是一男一女牽著手，男女兩邊不同口味。

泡菜口味，味道微辣，配埋其他配菜一齊食，非常開胃！

牛肉口味加上黃蘿蔔、青瓜、玉子及蘿蔔絲，味道夾得來又很fresh！ 

 

  

 

  

環保小貼士：Couple Bottle還可以重用，一格放洗頭水，一格放護法髮素，一樽搞掂！

電話：2776 1877 

地址：荃灣惠荃道22-66號綠楊坊1樓F4號舖

電話：2455 1300