熱愛優質生活

意式雪糕加推茶記口味!奶茶、鴛鴦貼夠地

地點: 旺角砵蘭街60號香港盛世酒店地舖      油尖旺區
開放時間: 周一至周日 8am-9:30pm
電話: 3706-5778

主打Gelato(意式雪糕)的意里奧餐廳開業時已經推出創新紅棗杞子、山莓等中式口味,近日又有新搞作,中式都唔夠,竟然將港式茶記兩大寶物「奶茶」同「鴛鴦」都融入Gelato之中,口味夠晒貼地!

奶茶味:用黑白淡奶杯呈上,底層墊了棉花糖,奶茶雪糕的感覺就似將成杯茶餐廳奶茶雪凍來吃,奶味和茶味都相當香濃,是小編心水。(單球$25;下午茶餐連一口西多士$58)

鴛鴦味:講到港式茶記寶物,又點少得鴛鴦!鴛鴦Gelato口感幼滑,不過要平衡咖啡和奶茶的味道,卻是一門不簡單的學問,這款鴛鴦Gelato的咖啡味比較突出,奶茶味相對不太明顯,但仍值一試。(單球$25;下午茶餐連一口西多士$58)

得意新口味還有中式的「薑汁撞奶」和養生的「洛神花」,薑汁撞奶Gelato用了黃薑,薑味突出,入口有微微的辛辣,但不會完全蓋過奶味;至於洛神花Gelato帶點微酸的味道感覺頗醒胃。(芭菲高杯 / 矮杯$48)

除了新口味Gelato,喜歡飲咖啡的朋友可一試這裡的Affogato(推廣價$38),將Expresso倒在雲呢拿Gelato中,一次滿足食雪糕和飲咖啡兩個願望。

同場加映:

踏入冬季,想吃點暖胃的東西,就可以一嘗餐廳新出的意式香料熱紅酒(Italian Mulled Wine)(推廣價$88),這款飲品在歐美已有多年歷史,香港卻不算普及,將紅酒先加入砂糖調味,再加桂皮、丁香等香料,然後以細火慢慢煮熱,除了會揮發部份酒精,味道亦非常香醇,份量足有半支紅酒,適合兩人飲用。

 

 

延伸閱讀
文 : 早早為了食
2016.01.29
內容評分
評語