正在閱讀
$110有找任飲任食!銅鑼灣美國菜餐廳開業優惠

$110有找任飲任食!銅鑼灣美國菜餐廳開業優惠

2016.11.21

更新:餐廳指,任點任食推廣現只限於星期一至五;為免之後再有改動,想食放題的朋友,最好提早訂座並於訂座時查詢清楚

潮流興以「任點任食」作招徠,剛於銅鑼灣開設分店的New York Diner 亦不例外!

由即日起午市時段(12nn-5pm),將供應美國菜放題,二人同行$198,除開連加一(以原價計算)每位$110有找,聽落價位幾吸引,至於抵食/能回本與否,就要等小編潛入試試!

可能是開業不久的關係,小編用餐當日,店內只得一、兩枱客,迅速就被安排入座。

放題Menu 供應的食品和飲品超過25款,分沙律、小食、主菜、飲品和甜品,大部分均是餐廳的招牌食品。

據店員所講,放題時間由落單起計,每輪點選食品數目不限,60分鐘後就不能再點餐,但可以繼續享用枱上食品,安排算合理。

先測試一下出餐效率,落單後2分鐘,飲品已經送到;之後約8-10分鐘,熱辣辣的食品亦陸續送到,期間亦不多「甩漏」,抵讚。

睇睇小編推介的7大食品/飲品:

1. 水牛城雞翼

小食當中,以一份5隻的水牛城雞翼味道最佳,醬汁微辣惹味;雞翼大大隻啖啖肉,最啱「食肉獸」!

唯一美中不足的,是皮毛沒有清理乾淨……  

2. 炸芝士配薯角

雖然沒有拉絲效果,但脹卜卜的炸芝士粒仍叫人驚喜,濃香滋味;薯角同樣炸得黃金香脆,可蘸特調醬汁食用。

3. 煙三文魚沙律

沙律為一人份量,可選凱撒或黑醋汁,蔬菜新鮮爽口。

4. 辣肉腸薄餅

厚批可供3-4人Share,Pizza 沒有因為放題而「偷工減料」,上面鋪滿辣肉腸和芝士,好味!

5. BLT 牛肉漢堡

夾着煙肉、牛肉、生菜和番茄,就算放涼了,中間的牛肉仍然非常Juicy。

6. 野菌燴飯

米飯軟硬度適中,菇菌味亦很突出,好味! 

7. 特濃熱朱古力

夠濃夠Creamy,雖然熱朱古力比較飽滯,但都值得一飲!

**大部分任食食品都按標準Size 出餐,對於胃口不太多的朋友來說,要試多幾款心水食品,難度都幾高……不過食品的味道不錯,而且製作有誠意,值得一試!

**任食時段或會更改,加上座位有限,想食放題的朋友,最好提早訂座

活動資訊