人均$70有找！大坑街頭歎暖笠笠抹茶火鍋

作為一個火鍋迷，任何款式都不會錯過；大坑甜品店越後屋Echigoya，最近推出了抹茶火鍋，同時啱甜品迷享用！

火鍋製作很花功夫，每接到一個order，店員都需要即時製作抹茶漿，確保它的濃稠程度適合火鍋用。

選用日本宇治抹茶粉，加入在白朱古力、忌廉和牛奶後慢慢煮熱，再逐少過篩去除粗粉粒，單計抹茶漿的製作時間已需要10-15分鐘，真的落足心思呢。

跟餐有7款甜點，包括蜂蜜蛋糕、雲呢拿雪糕、日本紅豆蓉、甘栗等。如果想追加配料，每款另加$5-$18，份量與套餐原有的一樣。

雖然近日天氣轉冷，最好還是先食雪糕；雲呢拿雪糕由小店自家製，細看可見粒粒雲呢拿籽，輕浸入微暖的抹茶漿當中，味道夾之餘也有「冰火」口感！

甜品店特別加入甘栗迎合秋冬，栗子粒粒光滑圓潤，不過可能是先浸糖水的關係，再配合抹茶漿，食客可能會覺得偏甜。

多款甜點之中，最令人驚喜的一定是小店每日新鮮製作的糯米丸子！丸子粒粒大小統一，以冰水浸住保鮮，煙煙韌韌；店員更巧妙地在搓丸子時壓下小凹位，放入火鍋時，更多抹茶漿就能沾在上面啦！

食完暖笠笠的甜品火鍋還未滿足，可以加$10追加煉奶刨冰，淋上抹茶漿和紅豆蓉食用，又有另一番風味！

抹茶火鍋每份$138（供二人享用），每日限量發售約20份，想食的話最好以Instagram/ Facebook Message 提早預定。

供應時間：

星期一至五 6pm後

星期六、日及公眾假期 全日供應（2pm-11pm）