串燒到底可以有幾長？旺角新開串燒店推出10吋長串燒，更大玩諧音，主打三款皇牌串燒，分別是海洋最撚串、地上最撚串和宇宙最撚串，玩味十足！
即刻用呎度一度，真係有10吋長！
10吋長串燒不單止「睇得」，用料也新鮮。每串大約有8至10種食材，即叫即烤，等侯時間約6至10分鐘，加上孜然粉和蒜粉，非常惹味！
人氣的雜錦串燒宇宙最撚串$48，有齊大蝦、牛肉、帶子、魷魚、五花腩等10款食材，非常豐富，最適合與朋友開心share。另有海鮮串燒$45，有大大隻蝦、帶子、魷魚外，更有少見的汁燒鰻魚，非常特別。至於地上最撚串$42，除了有豬牛雞翼外，還特別加入了牛舌，嫩而不韌，啖啖肉，食肉獸最啱！
除了皇牌串燒，還有即燒蠔、蒜味青口、汁燒帶子。老闆精心挑選食材，特別選用來自愛爾蘭的生蠔和北海道的帶子。牛舌亦是原條進貨，自家再加工切件。
生蠔配上沙津醬，鋪滿芝士，用火槍燒到香噴噴！而青口和帶子則加上秘製的蒜醬和炸蒜粒，鮮甜惹味！
老闆更表示之後會挑戰一呎長的串燒，計劃大約三至四個月就會轉一次餐牌，未來會陸續推出更多不同的小食！
活動資訊
- 地址 九龍旺角廣華街1號仁安大厦G1D號舖
- 開放時間12nn-1am
- 電話9469-0213
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶】大派便利妥3合1檢測盒！↓
↓ 使用簡單快捷，一次檢驗3種病毒！↓
↓【限時搶】卡樂B松露味薯片 ！↓
↓ 獨特松露香味，入口即感受到松露嘅濃郁芬芳！↓
