熱愛優質生活

$60任食勁辣米線!實測荃灣茶餐廳粉麵放題

地點: 荃灣沙咀道107號好運唐樓地下3號舖      荃灣區
開放時間: 7am-10pm(任食時段 2:30pm-9pm)
電話: 5543-6598

荃灣一向多平價美食,最近一間茶餐廳蜜糖吉蒂,就推出了「粉麵放題」,每位付$60,即可以狂食米線、紅薯粉、米粉等等!

米線放題概念新鮮,不過相信不少人的第一反應都跟小編一樣 — 好飽。

究竟放題的限制多不多,食幾多才能回本,味道又如何呢?真真正正試過先知!

粉麵放題由2:30pm供應至9pm,入座起計限時用餐75分鐘;跟食車仔麵一樣,顧客需以點餐紙落單,每人每次限點4餸。

 

麵底方面,除了米線外,更有紅薯粉和米粉選擇。至於湯底則可選清雞、石螺、酸辣及麻辣湯,有不同辣味程度,建議由小辣食起。

各款湯底之中,以香辣石螺湯的味道較好,帶有鮮味;酸辣湯底加入酸豆角,可惜只得個「辣」字,欠缺酸辣湯底應有的風味。

而配料選擇亦不少,超過20款,當中包括常見的魚滑、豬潤、肥牛等,每碗份量不多。

雖然是放題,茶餐廳供應的麵底份量與平常無異;但要留意,需要食完一碗才可落單下一碗,不可選擇「淨餸」。店員表示,顧客最高紀錄4個人食26碗,不過小編食一碗已很飽了……

放題並不包含飲品,每杯飲品$10,可選咖啡、奶茶、青檸梳打、紅豆涼粉冰等。

相比之下,茶餐廳的單點小食「芝士墨魚滑卷$12」更值得推薦。外層香脆,彈牙的魚肉加上半溶芝士,好味!

內容評分
評語