正在閱讀
荃灣味力

荃灣味力

荃灣享和街附近對我來講係堆錶位和車房,但隨著年月變遷現在這頭充滿了商機,現在最多是寵物店,診所和食店,好像這天的午餐便到開業不久的Stella’s Bar & Restaurant用膳。

石屎牆配上綠油油的裝飾,出來效果很舒適很合襯喔! 

踏進餐廳內便是開放式的廚房,看見內裡個廚師位位也好年青充滿朝氣。 

那兒的舊樓全部都有幾十年嘅歷史,所以樓底都非常之高,配合吊燈最適合不過呢! 

餐廳內嘅裝修用上木同石屎的組合,感覺上較為年輕和粗獷! 

原來星期日中午餐廳只會供應 Brunch Set。 

先係每位送上的新鮮生果杯,有西瓜,蜜瓜同哈密瓜,質素都唔錯喎!尤其是哈密瓜好甜呢。 

是日嘅餐廳係蕃茄忌廉湯,我和車爸爸都唔係幾喜歡所以就冇加15蚊去享用呀!直接就去煮菜我點了{ Egg Benedict}$70 

班尼迪蛋賣相十分吸引,水波蛋蕩漾非常好*動L*喔!! 

切開其中一隻水波蛋後流心程度很令人滿意,荷蘭醬亦都香而不膩,加上清新沙律菜同熱辣薯角,我表示十分之滿意(^_-) 

車爸爸嘅主菜{澳洲牛肉車打芝士漢堡}$80。 

漢堡包來除了有漢堡牛肉外還有太陽蛋和芝士,配菜亦都有香口嘅薯角同沙律菜,仲有我鍾意食嘅酸青瓜添。 

可惜嘅係車爸爸爸話牛肉漢堡過熟兼冇牛味,看上去肉質亦都較乾,食味真的十分一般呀!! 

飲品方面我倆也加28蚊轉特飲,我呢杯係{熱情果柚子梳打} 味道都算唔錯,都唔會十分甜漏。 

 

而且爸爸爆冷竟在早上飲{士多啤梨乳酪沙冰},同樣只係加28蚊便可享用,飲落去我覺得好似牛奶公司嘅士多啤梨雪糕味囉!但係都打得好幼滑嘅,28蚊咁大杯都值得一試的! 

原文刊載自U Blog,本篇圖文獲作者 Maggie Mok (車媽媽)@U Blog / MAGGIE MOK @Facebook 授權刊登,未經許可,請勿轉載。

活動資訊

  • 地點 荃灣大壩街5-7號仁蕙苑地下3-4號舖
  • 開放時間12:00nn-10:00pm