繼登陸上水後，台南過江龍「洪祖師擔仔麵」正式進駐旺角中心啦！
新店與上水分店一樣，售賣多款台南招牌食品如擔仔麵、滷肉飯等等，但店內空間較少，只設少量企位。
.JPG)
台南擔仔麵（$35）是店內的必食主打，麵上灑滿肉燥和香蔥，加上彈牙鮮蝦，充滿簡單的地道風味。
另一店內人氣之選就是滷肉飯及肉燥飯，有大（$35）細（$28）兩款份量選擇。飯與滷肉的比例適中，當中含有一點滲透油香的肥豬肉，加上秘製醬汁，好味！
湯品方面則有「台式新竹巨蛋貢丸湯」，貢丸大大粒，湯底則以蝦頭熬製而成，味道偏鹹和濃味，未必適合每個人的口味呢。
比起上水店，旺角新店較為主打夜市街頭小食，即叫即炸的鹽酥雞就是其中之一。
雞塊新鮮製作，熱辣辣外層十分香脆，沾滿胡椒鹽非常惹味，而且切成一口Size，方便食客邊行邊食。
炸雞以外，新店更特別帶來一款限定小食 － 「逢甲雞肉棒」；以雞皮包住雞肉，外層爽脆，雞肉滑嫩多汁，值得推薦。
更多小食包括：排骨酥、鮮蝦卷、一口酥豆腐等，單點價錢由$18起，亦可點選飯麵套餐（$49），任選一款飯麵及小食。
以後去旺角掃街有多個選擇！
活動資訊
- 地址 旺角中心一期1樓F88A舖
- 開放時間12:15pm-11pm
- 電話2890-3226
」，
App內睇文同睇片可隨時捕捉U Fun彩蛋，
換領現金券及禮品！
↓《社群》寵物祭2023！3大重點送禮活動↓
↓貓狗奴有福了！立即參加守護毛孩健康！↓
↓【送禮】送位您寵「貓狗純天然保健品」！↓
↓毛孩最強後盾！5種配方守護毛孩健康～↓
評語