正在閱讀
抓住芒草季尾巴!兩小時輕鬆行完彌勒山郊遊徑

抓住芒草季尾巴!兩小時輕鬆行完彌勒山郊遊徑

2017.01.06

去大嶼山行山大家會想起鳳凰徑、大東山同昂坪棧道,其實附近還有一條冷門的彌勒山郊遊徑。郊遊徑繞彌勒山的山腰而行,全長約5公里,沿途遊人不多,勝在易行又有靚景,一次可以睇到纜車、芒草、機場同東涌市中心。


郊遊徑以平路為主,即使是新手亦能於2小時內行完。

上彌勒山的路線其實有2條,一條是從東涌經昂平棧道,駁彌勒山郊遊徑抄小路上山頂,再由鳳凰徑落山,行畢至少需要4 小時,屬高階路線。講明新手路線,當然偷步於東涌搭23號巴士直入昂坪,省回2小時。


昂坪市集附近有路牌指向「東山法門」,沿路經過公廁同營地。


郊遊徑入口正位處「東山法門」附近,開始路段蜿蜒而上至500米處,路面平坦。

郊遊徑繞彌勒山的山腰而行,順行逆走都會走到同一終點,小編選擇先甜後苦的逆時針方向走。

走約半小至45分鐘左右時已可見到東涌市中心。

梯級不多,最難行的亦不過如此。

雖然經過清理,但郊遊徑的山泥傾瀉痕跡甚嚴重,不少路段都佈有碎石。

山路上碎石甚多,建議著運動鞋行山,以免拗柴或者滑倒。

再行近多少少,開始見到芒草。

遇上日落時間行山,金黃色更靚。

之後行到彌勒山纜車轉向站附近,一次見到纜車及機場。

好運的話可以見到飛機升降。

纜車就在頭上!

大概行多半小時左右就落山。

見到大佛同觀景台就代表終點在望!

下午約2-3點出發,沿途遊人實在不多,途中只見2組山友,不怕人頭湧湧影不到靚相。

 

最後提多句,各位記得愛護景色優美的山徑,自己垃圾自己帶走,不好破壞自然。郊遊徑部分路段碎石較多,記得穿著合適裝備上山,影靚相之餘亦記得注意安全。

活動資訊

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠