![[元朗] 輝記美食 ‧ 元朗大件夾抵食千層肉醬多士](https://resource02.ulifestyle.com.hk/ulcms/content/article/thumbnail/1280x720/uhk/spot/201612/20161222121424_7_8.jpg)
一到假期又係係元朗搵食既好時機，近來係FB上加入左個元朗美食群組，發覺元朗呢個地方真係餐廳林立，執完一間又會開返幾間咁，有排都唔會試得晒元朗既美食。今日去既呢間小店，又係群組近來頗紅的「輝記美食」，紅的就係他們自家製的千層肉醬多士，個種厚度，真係見到相都嘩一聲。
「輝記美食」就係馬田路個頭，附近有不少食店，而輝記真的是一間小店，座位不多，是有點迫狹，周圍都放滿了老闆的珍藏品，有些還可以買的呢。
除此之外，店內沒有提供餐牌的，所有的菜式已全寫在牆上的白板了，真的是花多眼亂，真係咩菜式都有，不過不是每樣都有貨，要問問先知道。
店裡疑似老闆娘？落單都沒有用筆記低，感覺人一多就好混亂，就好似小妹當天既情況，真係十分無奈。可能因為假日關係，廚房又得一個人煮，所以頗混亂的，真係做唔切，所以出餐都要點時間。我地總共叫左三樣野。千層多士都等左成大半個鐘。個芝士牛肉撈丁等左成個鐘先話無晒芝士汁….但當中已經吹過兩次，仲特登同老闆娘確認是否有落單，估唔到最尾都係無得食！個芝士大菇都等左成45mins，因為工序多。真係等到個人都頹頹地，估唔到食一個簡單中午都用左兩小時…看來小店真係要在餐廳運作流程上改善一下。
因為無用紙筆記得既關係，凍檸茶都要追單先知又無落到..
招牌千層多士 $50
睇落真係好足料呀，足足有八層多士咁多，d芝士肉醬多到流晒出黎。落單姐姐(老闆娘？！) 仲好好人怕我地食到成手都係，等我影完相再幫我地用紙巾包好。
這八層多士裡頭有超級多的蕃茄肉醬、半溶芝士和生菜，剩係外觀上都知份量十足。面包都有烘過，一咬落去除了脆之外，肉醬都爆晒出黎呢，啖啖肉醬，一個女仔食晒真係勁飽，和味道比起來，這份多士係以份量大取勝。
芝士煙肉火腿薯蓉大菇 $45
足足等左45mins的大菇，好多芝士係面，賣相好吸引啊。入面既料都好足，大菇咬落好多汁，不過味道無想像中咁好食，芝士味都唔夠重，有點失望。
原文刊載自U Blog，本篇圖文獲作者 糖小妹搵食軼事 @U Blog 授權刊登，未經許可，請勿轉載。
活動資訊
- 地址 元朗馬田路怡豐花園A座地舖
- 開放時間11:00am-10:00pm
- 電話2486 1098
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶】Super Sports Park入場門票！↓
↓ 全港最大的室內運動遊樂場！ / 超過20款運動設施！ ↓
↓【限時搶】Let’s Relax Ear專業採耳按摩套餐！↓
↓ 為港人度身訂造！ / 體驗雙耳被喚醒的感覺！ ↓
