正在閱讀
西灣河太安樓4大人氣小食@$100有找2人佳節晚餐(另類) 前菜 主食 甜品樣樣齊!!!

西灣河太安樓4大人氣小食@$100有找2人佳節晚餐(另類) 前菜 主食 甜品樣樣齊!!!

邊間餐廳咁大隻夾乸隨街跳?! 2個人$100都唔洗就可以食到撐住肚皮走? sorry 唔係一間餐廳,係幾間餐廳。

要享用到平價美食,所需條件1) 閣下唔怕污穢 2) 同行伴侶唔怕污穢 3) 唔計較餐廳環境。

講左咁耐,其實係邊到另? 就係近年變得多人認識的 太安樓了!日頭同夜晚的太安樓各有味道,朝早有$25無骨海南雞飯 ,夜晚呢 都有好多不同串燒檔,車仔麵檔,十足十台灣的夜市般。 大約11點先去到太安樓,但人流一樣很多。 

餐前小食- 即燒串燒@東記小食 

即燒串燒(雞肉,牛肉)$10串: 因製作需時,下了order可在附近逛逛走走。 

即製的串燒,雞肉牛肉串色澤光亮泛油光,串燒可選擇辣度,熱辣辣,很吸引。 

先試雞肉串$10: 入口wa! 嫩滑!多汁! 價錢平,但質素味道好過很多居酒屋,高檔串燒店。 雞件燒製時間恰恰好,吃下皮位脆性,帶些脂香,內裏的肉質依然纖嫩。 

味道方面,不會是獨沽一味的孜然粉味,有燒烤的惹味,緩緩的辣味,咸淡適中,推介! Wow factor: 8.5/10 

牛肉串$10: 同樣惹味,咸淡適中,不過肉質稍嫌有點點韌,無雞串來得這麼岀色。 Wow factor: 7/10

東記小食

地址:太安樓地下A2-8及A2-9號舖

主菜方面:  

要粉麵的有即炒的鑊氣牛河@中興美食 

左邊放有幾種麵條供選擇,有河粉,油麵,烏冬及米粉$26 及公仔麵$30。 

配料有差不多十款,牛肉,魚蛋,蟹柳,火腿,芽菜,紅腸及雞柳等等。 

點後老闆就開始在火紅紅的火爐邊炒起麵條了。

炒烏冬$26: bagel選了烏冬,配料全要。

烏冬每條上色均勻,吃下烏冬也屬惹味,豉油偏甜,配起爽脆的芽菜同吃,果真滿足。  

只稍嫌烏冬油了少少及碎,不過$26大大份,茶餐廳下午茶時段都唔至呢個價啦。

Wow factor: 7.5/10

中興美食

地址:太安樓商場A2-8及A2-9號 

食肉獸的你還可以去另一檔口食大大隻豉油王雞脾@瑛典小食。 

豉油王雞脾$15: 雞脾十分十分熱,豉油汁入曬雞皮同肉中間,一咬啲汁就爆岀黎。 

雞脾幾入味,不過嚡左少少。

Wow factor: 6/10

瑛典小食

地址:太安樓地舖9A3 

最後到甜品(?!) – 艾‧蜜思 

配料有26款可以選擇,全部均$25. 

(圖為原味手抓餅,芝士沙律醬咸牛肉) 餅皮放上鐵板煎,加上芝士,醎牛肉及,沙律醬,最後左右疊起而成。 

紫薯手抓餅$25: bagel選了4號,芝士吞拿魚沙律紫菜。 

餅皮脆身,有些紫薯(?)的香味,內裹餡料也屬多,不過個人覺得手抓餅和內餡不太夾,手抓餅餅皮吃下也不有千層效果(記得以前看過手抓餅整法,餅皮在煎的果程,要不斷在鐵板旁邊拍打餅皮),不有牛油酥香,只有一味的油,不太喜歡。

Wow factor: 4/10

艾‧蜜思

地址: 太安樓地下A3-A7號地舖 

太安樓內還有一間賣中式糖水,也有賣pancake,雞蛋仔, 蛋糕的店舖。 利申: Bagel已經在炮台山食過福元湯丸  福元湯圓@ 澎拜流漿芝麻湯丸 可以"飲"的芝麻餡 才搭叮叮到太安樓的,因此今次並沒有在太安樓吃糖水 

 

埋單人頭計$45,佳節唔一定要人頭$500,600落樓的,平平地個到食啲,個到食啲,食完搭叮叮睇燈飾又得,去太安樓旁的海傍走走散步又得。 有budget的孩子,book唔切位唔知點交差的孩子,不防考慮下呢個另類佳節大餐。

原文刊載自U Blog,本篇圖文獲作者 bageladdiction@U Blog 授權刊登,未經許可,請勿轉載。

活動資訊

  • 地點 西灣河太安樓