指定姓名免費任食！銅鑼灣冰室重開變「秘密樂園」

走懷舊風的冰室愈開愈多，要追溯到開創潮流的餐廳，不得不數銅鑼灣的喜喜冰室。

位於Fashion Walk的分店最近搬至百德新街，新店空間感更強，更設露天部分感覺更加寫意。

比起採用50、60年代創作風格的舊店，新店以70-80年代為設計靈感，佈局更光鮮，整體氣氛由從前的「花樣年華」變身成充滿活力的舊香港。

據了解，店內的佈置由老闆和著名電影美術指導馮繼輝籌劃，放有懷舊玩具、唱片、錄音機和獎盃等，細緻位上做到足。

店前的空地更放有單車、康樂棋和乒乓球枱，讓途人和食客可以自由玩樂。

食品方面，以往的人氣食品都會繼續供應，如雞批浮台、黑白多士、Hotcake和炒蛋多士，另有重新推出的啫喱和芒果布甸。

新店亦會增加中式麵飯選擇，冬天必食「男人的浪漫」豆腐火腩飯！

小編在餐廳的角落發現一項神秘優惠，餐廳其中一幅牆上的黑板貼有「人名表」，上面印有多達80個中文名字，食客只要有着相同的名字，即可於冰室任飲任食，餐牌上所有食品和飲品均可點選。

每人限享用優惠一次，為免浪費食品，食得完先好嗌！

80個姓名均是懷舊搞鬼諧音，當中包括「吳國意」、「林美香」、「鍾洛海」等等，叫「梁芷君」、「袁子富」、「梁良康」的人應該比較多吧，去開這間冰室的話，可以睇睇自己有無中獎。