登陸台灣之後，這間來自日本的「道頓堀御好燒專門店」亦即將來港開分店啦！
品牌原來已有超過280間分店，而即將開業的香港加盟店將定址尖沙咀K11；新店將引入日本的人氣Menu，每枱亦備有鐵板爐、小煎鏟和醬汁，食客可以自行製作食品。
據了解，大至餐牌和食材種類，細至店內裝潢和商標，都由日本總店監督，裡裡外外都充滿日本當地的感覺。
新店將於1月27日正式開張，約朋友開餐前，不如先睇睇餐廳的人氣食品吧！
主打食品主要分大阪燒（御好燒）、廣島燒和文字燒3款，建議初次DIY的朋友，由相對簡單的大阪燒入手。各款食材以大碗盛載，拌好後放於鐵板上煎熟即可。期間需要點功夫反轉兩面，最後淋上特調醬汁和紫菜等就大功告成。
必試於日本當地也熱賣的「道頓堀豪華7品」御好燒，包含多樣蔬菜、雞蛋、海鮮和豬肉等7款配料，二人份量$98。
廣島燒的製作方法則複雜一點，需要同時處理薄餅、炒麵、煎蛋和多種配料，最好與平日有入廚經驗的朋友同行，或者請店內師傳出手！
一份含海鮮的雜錦廣島燒只需$98，用料超多夠2人享用，試得過。
御好燒/大阪燒以外，品牌亦有供應「文字燒」，材料同樣一份份以小碗呈上；先把椰菜和豚肉等配料炒香，圍成一圈後在中間注滿粉漿，炒熟後口感較接近麵糊，需要用小鐵鏟鏟來吃。
雖然賣相不獨討好，但呈麵糊狀的文字燒味道實在不錯，特別是「明太子芝士年糕（$88）」口味，食落帶點辛香，中和芝士的膩滯，值得一試！
香港店亦會跟其他分店一樣，供應更多鐵板食品，如炒麵、牛扒、海鮮及甜食燒餅等等。
圖：FB@日本Okonomiyaki Dohtonbori
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶】大派便利妥3合1檢測盒！↓
↓ 使用簡單快捷，一次檢驗3種病毒！↓
↓【限時搶】Let’s Relax Ear專業採耳按摩套餐！↓
↓ 為港人度身訂造！ / 體驗雙耳被喚醒的感覺！ ↓
