正在閱讀
[美食] 平靚正@大同韓燒

[美食] 平靚正@大同韓燒

2017.01.19

天氣呢排又轉凍,不禁令人又想去食韓燒。

以前公司係旺角,知道大角咀有好多抵食餐廳,所以今晚就黎左大角咀間<<大同韓燒>>搵食。 

因為是晚是平日,$159加一服務費,任食任飲,好抵食呀。 

入到黎,環境闊落,最緊要係無乜煙味。 

拎左位就可以出去拎野食喇。 海鮮類有秋刀魚,扇具,八瓜魚,青口,墨魚,多春魚,龍脷柳,也有腸仔,紅腸,脆肉瓜,金菇肥牛卷,茄子,青椒等。 

當然有食肉獸的最愛,牛仔骨,豚肉,五花腩,牛脷,梅肉,雞翼,雞軟骨,雞腎,羊架等等,好多選擇。 

行過D就係前菜及小食區。韓國泡菜不能少吧。 

不過最驚喜係有壽司呢。 

水果有西瓜及菠蘿。 

再行過D就係飲品雪櫃,主要以紙包裝及罐裝為主。有我最愛的烏龍茶解解韓燒的油膩感。 

再過D就是雪糕櫃,多款雀巢雪糕口味。 

再入行小小,還有一個飯及湯的區域,湯有兩到三款。 

燒野先,食小量泡菜墊下胃。 

我就拎左碗紫菜花甲湯,好足料又健康。 

呢度有個大特色,就係會放一張牛油紙於爐上燒。一開頭燒肉是最好的,因為可以讓肉的油份流出,冇咁容易黏底。雞翼及牛肉是不錯的選擇,這裡的雞翼已被中間剪開了一邊,方便食客燒得更好。 

腸仔,八爪魚及秋刀魚熟得很快,醫醫肚先。八爪魚入口夠哂彈牙。 

扇具性價比勁高,夠新鮮。 

龍脷柳就係我最愛,入口啖啖肉,肉質又夠嫩。金菇肥牛卷入口夠爽又味。 

栗米夠甜又香。

我一個人飲左四包飲料,烏龍茶去油膩感一流。 

最後來一杯雪糕及水果,為口腔帶來瞬間的清新。 

原文刊載自UBlog,本篇圖文獲作者 DickSo/dick Facebook專頁 授權刊登,未經許可,請勿轉載。

活動資訊

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠