率先睇！日本人氣甜品店Chateraise登場

日本人氣法式甜品店Chateraise正式登陸香港，於太古城開設新分店！

品牌來自日本山梨縣於1954年建立，主打多款蛋糕、泡芙、銅鑼燒日式和菓子及蛋卷等。日本已有770間分店，更於台灣、韓國、馬來西亞、新加坡、中國及杜拜等設18間海外分店，提供500多款甜品。

香港分店挑選100款甜品出售，暫時每日提供30多款，如士多啤梨忌廉蛋糕、千層蛋糕、抹茶蛋糕、芝士蛋糕、芭菲、果撻、泡芙、銅鑼燒日式等。甜品百分百日本原材料，雞蛋、牛奶及水果等都由日本的契作農場提供，於日本自家工場製造。

主打多款士多啤梨甜品，如士多啤梨忌廉蛋糕、芭菲、果撻等。必食的士多啤梨忌廉蛋糕$38，用上日本新鮮士多啤梨及北海道牛奶忌廉做成。士多啤梨香甜，配上香滑奶味濃的忌廉及士多啤梨啫喱夾心，是日本人氣皇牌之一，每店每日最少賣出30件。

小朋友必愛的可愛動物造型蛋糕：歡樂熊貓蛋糕$35及熊寶寶蛋糕$32。朱古力蛋糕做成熊仔可愛樣，內有朱古力脆脆，層次豐富。

另有雙味泡芙$12，一款有齊牛奶忌廉配上吉士、抹茶或朱古力口味。牛奶忌廉香滑如雪糕般，不太甜膩。

原味瑞士卷及忌廉銅鑼燒更有新店限時優惠，每個$10，當下午茶甜品不錯！