食肉獸最愛！灣仔樓上冰室歎勁量鐵板餐

於上年年底開業的伙伙餐應，主打港式冰室食品，以新派的方法呈現備受附近上班族推介。

餐廳裝潢表面上帶時代感，仔細點看，牆上大量壁畫其實是透過簡單的顏色和線條，描繪電車和舊式髮廊等 「老香港」的元素，很有心思。 

食品方面，最受上班族歡迎的非「古法焗豬扒飯（大$118/下午茶$68）」莫屬！大廚選用厚切豬扒，以吉烈方法炸至外層鬆脆，內裡肉汁豐富，比一般炸法花功夫。

把炸豬扒放於乾身兼粒粒分明的蛋炒飯上，加入濃濃的番茄醬和蔬菜，灑上芝士後再焗，每一啖都非常香口。

如果同行朋友之中有「食肉獸」，建議Share這份勁量級「伙伙鐵板百匯扒（$288）．」，適合兩人Share！

一份集齊8款食品，包括牛扒、豬扒、羊扒、雞鎚、黑豚腸、火腿扒、煙肉和太陽蛋，可選配燒汁或黑椒汁。

肉扒上鐵板前只烤至3至5成熟，即使高溫鐵板不斷烘熱也亦不會過熟，肉質依然頗嫩。

多款肉食之中，牛扒質素只屬一般，厚豬扒反而最有驚喜！豬扒帶肥膏，鐵板的熱力令肥膏部份燒得半焦，逼出油份後入口不太油膩，卻散發住油脂的甘香。

食鐵扒餐最怕多味精，食完口乾乾；跟店內其他食品一樣，無論是煮扒汁抑或醃肉，大廚都不加任何味精。 

店內的扒汁以牛骨熬湯煮成，清徹濃郁；醃肉時則只放天然海鹽，保持原汁原味之餘，亦不影響肉質。另外，店內供應的「紅湯」羅宋湯亦十分足料，每碗均有大量蔬菜和牛腩粒，值得一讚。

下午茶時段惠顧的話，不妨與同行朋友慢慢歎份「雀籠下午茶）」，食品包含沙律蛋、芝士角、馬卡龍、蛋糕等等，配上紅豆冰和雜果冰，二人用每份$248。