$77有找歎全新燒肉套餐！牛角下午茶時段優惠

跟同類型連鎖餐廳比較，牛角燒肉一向受歡迎，每晚店外總有等開餐的Fans在排隊。之前介紹過的宵夜特價食品外，牛角各分店其實亦有推出《午後割引》優惠！

優惠由即日起逢星期一至五適用，3pm-5pm 期間所有午市定食均有7折。午餐定食種類頗多，包括石鍋、拉麵、烏冬、溫泉玉子飯和沙律，當然還有人氣最高的燒肉套餐。

燒肉定食套餐價錢由$62起，食客有得自選兩款燒肉，如味噌牛肚、丹麥雞胸肉、豬頸肉和大腸等等，配上昆布湯、迷你沙律和任添白飯，下午茶時段折後只需$43.4，幾抵食！

想食得豐富一點，不妨點選「牛角流自選3食」！每份包含自選沙律、燒肉、和迷你飯等主食，配上飲品，原價$99，折後$70有找。

除此以外，牛角最近亦推出了3款全新午市盛盒定食，包括「牛肋肉四品盛盒（$129）」、「牛角嚴選六品燒肉（$109）」、「特上和牛牛肋肉+牛角嚴選五品燒肉（$169）」，3款套餐均附送昆布湯、迷你沙律、飲品，還有最受歡迎的任食牛角飯。

折後最平只需$76.3，趁有優惠，食肉獸出動試試！

*另收加一

圖：FB2@牛角日本燒肉專門店 Hong Kong Gyu-Kaku