葵興5000呎新開波波池Party Room

位於葵興的派對動物Party Animal，佔地約5,000呎，可容納超過200人。場內設2間獨立主題房間以及一系列玩樂設施，朋友gathering去又得，包場開生日party、公司聚會都得。

場內設有2間主題房，分別是：英倫悠閒風格主題，最少6人可包場 (1000呎，可容納30人)，及歡樂海洋風格主題，最少15人可包場 (2,500呎，可容納 40 - 100人)。多人的話亦可包全場，玩晒兩間房，同場亦會供應無酒精飲品任飲。

英倫悠閒風格主題 

歡樂海洋風格主題

每間主題房內都設有一系列玩樂設施，包括，PS4、PS4 VR、XBOX、WII、桌球、街機、唱K、睇波睇戲、電動及非電動麻雀枱、輪盤、電子飛鏢機、數十款board games、鞦韆椅等。

歡樂海洋風格主題房更設海洋系波波池，大人小朋友都玩得，不妨重拾童趣瘋一次，最啱影相呃like！

大家可以自備食物，或使用場內的300呎開放式廚房自己煮。更有爆谷機及棉花糖機自製爆谷和棉花糖食，正啊！

收費方面，每人每小時約$40 - $50。星期一至日，4小時任玩，成人每位200；5小時每位$220；6小時每位280。價錢已包括無酒精飲品。

派對動物不接受walk-in，想去的話記得提前預約啦。

資料及相片來源：FB@派對動物 Party Animal-最潮最好玩 Party House