正在閱讀
$10歎法國生蠔!旺角火鍋店都有得食卜卜蜆煲

$10歎法國生蠔!旺角火鍋店都有得食卜卜蜆煲

2017.01.29

鍾意打邊爐的話,應該都對澳門的「卜卜蜆煲」有所認識,鍋內放滿新鮮蜆仔,受熱一隻一隻打開,愈食愈興奮!

不用過大海,香港其實都有火鍋店供應鮮甜的「卜卜蜆」。位於旺角白布街的為食仔火鍋店,不時都推出新口味海鮮煲,如啤酒花甲豬肚雞鍋、龍蝦湯水煮龍躉、冬蔭公笑蝦蝦海鮮鍋等,海鮮足料鮮味,可以歎完鍋內海鮮再打邊爐。

不過講到人氣持續高企的,非卜卜蜆煲($168)莫屬!選用較少沙的沙白蜆,一鍋有3斤,小編落手數一數竟有88隻之多;整鍋內只有兩、三隻沒有開口,肉質彈牙,新鮮程度可見。

清湯湯底融合貝殼類海產獨有的鮮甜味,加上蔥、辣椒及特調香蒜,辣而不嗆,落火鍋料打邊爐前記得飲多兩啖。最重要的是不似澳門的「卜卜蜆煲」般,食完有一陣濃烈口氣呢~

追加海鮮優惠:由即日起,每晚9:30pm 後入座並點選任何一款海鮮鍋,就可享用$10隻法國生蠔,即叫即開。

生蠔一口一隻,肉質爽口兼很重海水味,$10隻食得過!

另有$20黑松露三文魚籽生蠔選擇,菇菌味香就香,不過小編嫌黑松露的味道蓋過生蠔本身,建議「走黑松露,淨三文魚籽」,三文魚籽爆開後融合蠔,有提鮮作用,值得一試。

生蠔優惠以外,店內熱賣的龍蝦海鮮鍋亦有減價,由即日起至2月28日期間只售$238(原價$298)。每鍋均有原隻波士頓龍蝦,加上蝦、蜆、蔬菜和熬製4小時的龍蝦湯,非常鮮甜呢!

食到尾還可以追加湯飯,把粒粒海鮮和芝士等配料統統放進鍋內煮,吸盡龍蝦湯的精華,打邊爐都可以有很多層次,不只得烚烚下。

活動資訊

立刻訂閱Telegram優惠頻道:

超強實用工具 用完即走 毋須刪除!

↓↓立即入《生活小幫手》專區免費用!↓↓

立即入《生活小幫手》專區免費用!

U Lifestyle App《TV》專區隆重登場!

↓↓試玩、試食、試用影片任您睇↓↓

U Lifestyle App《TV》專區隆重登場!

評語

各區優惠、玩買食熱點!
港生活
《香港好去處地圖》
Click一Click就知道! 立即用

各區優惠、玩買食熱點!
港生活
《香港好去處地圖》
Click一Click就知道! 立即用