【更新@2月13日 11:50am】
任食推廣後，反應非常熱烈。
推廣期原本定為一個月，不過小編接獲餐廳負責人通知，$98優惠價放題已迅間完結。餐廳將以其他優惠代替，至於有無誠意，就由大家判斷啦……
----------
再次提醒！放題不設訂位，只限walk-in，如果當日多人訂枱進食其他單點食品或飲品的話，想食放題的朋友就可能未必即時安排到入座啦！
「任飲任食」這個潮流不只局限於日韓菜，連不少酒吧餐廳都加入陣營，設指定食品All-You-Can-Eat 推廣。位於灣仔日街的Moonshine & The Po’Boys 就是其中一間，供應雞翼+啤酒放題，吸引到小編這個雞翼迷潛入試食！
酒吧餐廳位於斜坡小街之上，周邊環境清靜，店前又有一片空地，感覺好Chill！
任食優惠適用於星期一至五5pm-8pm，每位只需$98即可無限量享用指定小食和飲品各兩款，啱三幾個朋友午後去飲酒歎小食。
當中包括Cajun 口味的炸雞翼、烤煙肉、啤酒和Pink Lemonade（含酒精），採用半自助形式，Pink Lemonade放於長枱上自己酙，啤酒及小食則需要落order嗌。
餐廳每輪亦會供應1杯啤酒、一筒送酒煙肉和每人5隻雞翼，3個小時內追加幾多次都得。
潛入試食當日，店員幾貼心，留意到小編就快食完第一輪的雞翼，就「自動」落單，食肉獸絕對可以一隻接一隻不斷食。
炸雞翼以Cajun方法炮製，即叫即製熱辣辣，雞翼隻隻都炸得黃金香脆，內裡多汁，而且重牛油香，與有「鬼佬涼茶」之稱的啤酒很match！
烤煙肉雖然香脆，但確實太鹹太重口味啦，未必人人喜歡。
坐足3小時慢慢歎，食1.5-2打雞翼無難度，飲兩杯啤酒，雞翼迷要食回本無難度，有多個平價放題選擇~
」，
App內睇文同睇片可隨時捕捉U Fun彩蛋，
換領現金券及禮品！
【U Lifestyle聖誕寵粉企劃🎄】12月大激賞！
↓勁送超過3000份獎品！簡單兩步免費參加↓
↓【送禮】大派AIA嘉年華門票＋代幣200套！↓
↓ 免費入場！玩盡機動及攤位遊戲！↓
