沒有最怪，只有更怪。繼韓國奇怪飲品味薯片，卡樂B同樣新搞作推出海鹽雲呢拿雪糕味及可樂味薯片，更可放入雪櫃冷藏食，非常搞鬼。究竟味道似甜品還是薯片﹖
海鹽雲呢拿雪糕味及可樂味薯片每包$12，小編試食後，海鹽雲呢拿雪糕味有陣濃濃雲呢拿香味，薯片薄身香脆，帶奶粉甜味。表面有粒粒海鹽，鹹鹹甜甜，但雲呢拿味並不突出。
放入雪櫃冷藏數分鐘後，味道變得不太甜及減少了油膩感，有冰涼口感，有吃雪糕的感覺，驚喜過癮。
至於可樂味薯片，聞落有四洲泡泡可樂糖香味，入口濃濃可樂味，隨後喉嚨有涼浸浸感覺，非常特別。冷藏後冰涼清涼感更突出。比韓國的可樂味薯片味道更好，不死甜。喜歡新鮮感的話，可算過足口癮。
活動資訊
- 地點 灣仔皇后大道東200號利東街地下G14-15號鋪
內容標籤
立刻訂閱Telegram優惠頻道：
港生活
U Lifestyle自家節目登錄《U TV》專區！
↓↓試玩、試食、試用影片任您睇↓↓
【App推薦計劃】賺加碼U Fun換現金券及免費禮品！
↓↓ 立即推薦親友 ↓↓
評語