粉紅心心造型！7-Eleven便利店推情人節食品

「情人節」不只滲入大小餐廳，連便利店都有推出節日限定餐飲商品！

小編最近去7-Eleven便利店醫肚，發現店內熱食站「Hot Shot」新推出心形包點，粉紅色的麵包，上面印有I <3 YOU字句，幾可愛。

麵包每個$9.5，內有紅豆餡，一粒粒有咬口不算太甜，中式麵包皮則帶點煙韌，味道不過不失，勝在賣相幾可愛。

不過部份麵包可能放入蒸爐太久，包上有裂紋變了「裂心」，想買個給另一半時就要留意啦，情人節收到個「裂心」都幾掃興~

包點以外，便利店亦有供應情人節限定熱朱，跟食品加$5換購。暖笠笠，不過味道偏淡，建議請店員落奶時落重手一點。