越南日賣3000碗　人氣牛肉粉登陸香港

被華爾街日報（Wall Street Journal）譽為越南最好食牛肉粉的「錦麗」創立47年，最近成功引入香港，並於觀塘APM設首間分店。

「錦麗」一直以來專注製作越南牛肉粉，湯底亦使用多款材料熬成；這次的引入除了讓食客吃出正宗越南風味外，還推出不少香港限定小食。

1.錦麗綜合粉 ($58)

由生牛肉、熟牛肉及牛丸製成的「錦麗綜合粉」，集齊越南粉必有材料，亦是「錦麗」的招牌粉麵之一。

河粉上碟時呈餅形，原來店家想客人品嚐時才攪鬆河粉，免得未食已浸淋。

店內亦有教食客最地道食法：先飲原味湯底, 再加入鴨舌草、九層塔、青檸等香料提升味道，再加入爽脆芽菜。

食牛肉時記得點一半甜醬一半辣醬就更惹味！ 

2.大蝦扎肉米紙卷 ($28) 

米紙卷賣相晶瑩剔透，非常吸引。米粉、青瓜卷住熟蝦、夾住金不換，配上特製醬汁口感清新。

3. 炸手作蝦餅 ($38) 

蝦餅彈牙，蝦味若更出會更惹味。 

4.法式牛油雞翼 ($32)

雞翼外層炸得金黃，啱香港人口味。 

5. 小米糕 ($38)

口感似砵仔糕，配上魚露，味道幾新鮮。

飲品方面，也有越南2款必飲的飲料。 

6.越南滴漏咖啡($25)

越南必飲的滴漏咖啡，把底部的煉奶及咖啡拌勻一起飲用，咖啡待涼後易變酸所以記得趁熱飲！

7.青檸薄荷梳打($25)

新鮮薄荷葉搭香芽枝味道相當清新，配上青檸梳打很易入口，解渴至啱，誠意之作 。

新店試業期間吸引不少食客，建議避免週末去，想試的朋友也要耐心等候啊！