2.5小時大蜆、海蝦任食！觀塘海鮮磯燒放題推介

以磯燒海鮮為主題餐廳不算太多，如果加上 2.5 小時任飲任食放題就更加有衝動去試下啦! 

餐廳本身晚市都有放題供應，現在換上以磯燒海鮮為主題就更加座無虛席! 

於門口位置新增了自助吧，提供餐前小食、沙律、生果、熱盤及多款甜品。 

十多款一口份量甜品任揀，就算唔記得留肚都應該食到既，抵讚! 

有成超過十款雪糕任食，感覺好似去左7仔咁，簡直係甜品控既天堂呀!! 

飲品都有十多款選擇，汽水、紙包飲品、樽裝茶、綠茶、果汁先生、啤酒等等，仲熱飲櫃~好貼心呀!! 

店員細心地介紹燒烤方法，2 – 4 人共用一個燒烤爐，於燒烤時可加入稀釋了的清酒，可避免海鮮燒乾之餘，同時能令提升鮮味。再加上餐牌上列明每款食物既磯燒時間及步驟，我地一班磯燒新手就唔怕無從入手啦! 

每位客人可享用特選海鮮拼盤一份，包含原隻帆立貝、大蟶子、蟹味噌甲羅燒。同時任食海鮮包括有青口、大蜆、刀貝和海蝦等。 

如果意猶未盡，亦可加錢追加鮑魚、珍寶蠔、象拔蚌仔等時令海鮮。總共有十幾款海鮮放題，又點會唔回本呢!! 

蟹味噌甲羅燒真係第一次食，非常期待! 

首先將蟹蓋內的蟹膏、蟹肉、蟹子和鵪鶉蛋拌勻。 

然後放於燒烤爐上直到蟹膏烤熱凝固。 

甲羅燒味道相當有驚喜!!  蟹膏甘香鮮味，令人回味無窮! 

鮑魚亦非常新鮮，燒烤時於殼內不停左右轉動，真有點慘不忍睹!! 鮑魚肉質彈牙，有陣陣清酒香味 ; 大蝦亦燒得香口而且新鮮彈牙!! 

超巨型既蟶子份量十足且新鮮爽口，值得一試! 

原隻帆立貝亦十分巨型，同樣係新鮮彈牙無得彈!! 

菇類及菠蘿都係燒烤用到的蔬菜，必試! 

食燒活海鮮都已經有點飽肚，係時候要食下其他放題美食! 三文魚、帆立貝、甜蝦刺身亦同樣出色，非常新鮮，而且賣相一流見到都忍唔住流晒口水!! 

壽司類特別係創作壽司亦十分美味可口，壽司飯煮得煙韌，而且一口份量亦相當不錯! 

另外，推介一口雪花牛及羊架，前者肉汁豐富; 後者燒得香脆且肉質幼嫩，值得推介! 

店員再三叮囑要留肚食這「蟹肉海膽湯飯」!! 真係相當有睇頭呀! 

先將鍋內湯放於爐上煮熱，再加入飯、香蔥、蟹肉、雞蛋及加拿大海膽。 

將材料攪拌並煮至自己喜愛的稠度時就可以熄火啦! 

食一啖真係「不得了啦」，湯飯吸收蟹肉及海膽的精華，令人食到停唔到口……. 必定必定必定要試呀!!!

所有海鮮都係每日新鮮直送，質素甚高而且非常生猛，絕對值回票價有餘呀！

原文刊載自UBlog，本篇圖文獲作者 為食貓呼嚕嘆世界 / 為食貓呼嚕嘆世界 Facebook專頁 授權刊登，未經許可，請勿轉載。