荃灣開新分店！精緻咖啡拉花童話cafe

近來在荃灣千色店二期地下（莎樂美分店舊址）開了一間以天鵝為題的Cafe，門面大隻白天鵝的裝飾更引來不少途人目光，據悉Cafe的第一間分店是在大埔的，可愛的咖啡拉花和窩夫也是讓小妹要去一趟的理由。

(因是約在聖誕是到訪，所以會聖誕的佈置) 

六點去到，可能未算係晚飯時間高峰期人流不多。 

呈長方形的餐廳環境頗闊落，一邊係二人到四人檯的位置，另一邊係卡位和沖咖啡的位置，我們被安排坐卡位，有落地大玻璃可望出街外，感覺寫意。

餐廳也有不少可愛的佈置，像這個Lege摩天輪很亮眼呢！

餐點部分選擇多，由沙律、餐湯、小食都有，仲有全日早餐、奄列、多款意粉飯和漢堡等；甜品就以窩夫為主，飲品選擇也是很多，由各款咖啡、花茶和沙冰都應有盡有，賣相仲要很吸引！

（餐牌在文末） 

見到餐牌上既拉花超可愛呀，無理由唔叫返杯影相吧？！不過細問下得知在繁忙時間就只有基本拉花（心心、天鵝之類），如非繁忙時間師傅都盡量會滿足客人要求。好在今日餐廳唔係太多人，讓小妹得到呢杯「小女孩帶熊帽（仲要帶兩頂帽）」圖案的拉花咖啡，除了立體咖啡外，呢杯既拉花算係近來見到拉得最可愛的！ 

餐廳會另外比一樽岩鹽讓客人自行添加，鮮奶咖啡入口頗細滑，飲落除左陣陣焦糖香仲有岩鹽所帶出的少少鹹味，頗好飲。 

玻璃壺內望落裝滿滿的杞子和桂圓，好足料抵飲，味道清甜，頓時感覺好養生呢！ 

黑松露什菌蘑菇屋 $78
說真的，初時係被餐牌上的圖片吸引而點的！不過實物比圖片真係有差，黑色的飯矮了一截，那個蘑菇也是有點缺憾，實物沒這麼可愛就是！

幸好味道挽回不少分數，飯不會煮得過腍，所配的什菌黑松露忌廉汁很惹味，那塊蘑菇亦咬落多汁，沒有煮得很乾，整體不錯。 

原隻炸軟蟹殼放係碟面上視覺效果滿不錯，咬落頗酥脆！意粉仲加左唔少菇一齊煮，咬落爽口的，意粉的掛汁情況都唔錯，又唔會好膩！不過有點奇怪既係黑松露味好淡，但上網睇人分享明明話松露味好濃，莫非係一時失手？！反而上面既松露飯濃味好多，食得較開心！ 

紫薯雪糕窩夫 $88
四件拼湊成的心形窩夫，上面放左球紫薯雪糕同忌廉，仲有些朱古力漿點綴。賣相幾靚架。窩夫咬落外脆內軟，仲食到微微蛋香，配埋球近期大熱既紫薯雪糕，算是不錯。

 
※本文以用餐當日的環境、服務和食物質素為準，口味亦因人而異，文章只作參考之用。
咖啡灣 Cafe Swan
地址: 荃灣眾安街68號千色匯2期地下G30-G33號鋪
(港鐵荃灣站 B1 出口, 步行約5分鐘)
電話: 3481 1883
營業時間:

星期一至五: 12:00-23:00 星期六至日: 12:00-22:00

餐牌部份 

原文刊載自UBlog，本篇圖文獲作者 糖小妹 授權刊登，未經許可，請勿轉載。 

原題：[荃灣] Cafe Swan ‧ 新Cafe進駐，咖啡拉花好可愛！