正在閱讀
人均$130食到飽!街市尋寶抵食泰國菜

人均$130食到飽!街市尋寶抵食泰國菜

2017.02.25

食泰國菜不一定要去九龍城,香港有好幾個街市都臥虎藏龍,在熟食中心可以找到價錢親民的實力泰菜餐廳。

去到花園街市政大廈,生滾粥以外,對正扶手電梯的「樹屋泰菜」亦時不時坐滿來歎啤酒、串燒的街坊!

樹屋泰菜於街市開業多年,到晚上才開始營業,雖然環境「地茂」一點,但大部份食品$40-$60就有交易幾抵食。睇睇有什麼好食推介:

1. 泰式生蝦刺身($60/八隻)

 

食泰菜必點生蝦!以冰凍墊底感覺比冰粒更乾淨衛生,蝦肉新鮮而且非常爽口,輕蘸生蝦「靈魂」,以魚露和辣椒調製的醬汁,作為頭盤很開胃。

2. 爐燒香茅雞全翼($42/三隻)

 

燒雞翼即叫即燒,以3隻起計,製作需時最好提早落order。雞翼表面燒得金黃,雞皮脆卜卜,內裡肉汁豐富甚至邊食邊滴汁,不過略嫌香茅味不重,不夠入味。

3. 紅咖哩軟殼蟹配白飯($128)

 

紅咖哩比黃咖哩香,辣味又不算嗆,同枱不太吃辣的朋友也可試試。軟殼蟹份量夠4-6人食,外層炸得鬆化,咖哩無搶去炸香蟹膏的味道,配白飯或蒜蓉包都一流。

 

*轉配蒜蓉包加$12

4. 泰式清湯牛腩($98)

 

每件牛腩都黏住一層薄薄脂肪,肉質軟腍,湯底濃而不膩,愈滾辣味就愈出。

5. 泰式炒金邊粉($45)

 

食泰菜必點食品之一!金邊粉柔軟濕潤但條條分明,配搭不少雞蛋絲和雞肉,還有很吸味的芽菜,拌入碟邊的辣椒粉和糖進食味道更佳。不過金邊粉份量偏少,一碟只能供2-3人享用。

其他人氣食品包括:爐燒豬頸肉($50)、月亮蝦餅($55)、醃豬肉生菜包($55)及醃酸辣鳳瓜($50)等等。

 

至於常叫的明爐烏頭和海南雞就不太推介了,前者的熱湯雖然鮮甜,但魚鱗未清理乾淨,食慾大受影響;海南雞雖然肉質頗軟滑,但雞味欠奉。

活動資訊