正在閱讀
$29就食到!旺角人氣震騰騰梳乎厘班戟 

$29就食到!旺角人氣震騰騰梳乎厘班戟 

軟綿綿充滿空氣感的日本梳乎厘班戟近年在香港大受歡迎,最近旺角新開張的甜品店,主打日式梳乎厘班戟,令人驚喜的是一份梳乎厘班戟只售$29,平民價就可以食到高質梳乎厘班戟!

甜品立食店I Love You Dessert & Bar,主打三種甜品:梳乎厘班戟、食錢窩夫和反傳統中西混搭的意式雪糕,當中梳乎厘班戟最受歡迎,每日只限賣300份。

即叫即做的梳乎厘班戟,選用日本新鮮雞蛋,再用煎的方法製作出軟綿綿的班戟。原味梳乎厘班戟($29)蛋香味極濃,口感鬆軟,空氣感重,伴上忌廉和蜜糖,味道更豐富。原味之外,梳乎厘班戟亦有其他味道如木糠忌廉、芒果芝士等。

每輪班戟的製作需時約10分鐘,班戟差不多做好時店主會預先叫號,確保每份班戟都是熱呼呼送到食客手上。若食客不在場的話,店主會將他順延至下一輪,絕對不會將班戟放涼!

  

反傳統系列Gelato同樣吸引,創新將紅豆沙、楊枝甘露和豆腐腐竹三款中式甜品製成意式雪糕。豆腐腐竹Gelato($29)入口有香濃的豆香味,配上經過低溫冷凍技術再加糖烘乾的腐竹,口感如薯片脆卜卜,伴上印度風味炒奶粉,配搭新穎特別。

玩味十足的肉桂蘋果味食錢窩夫($29),窩夫上的錢幣是以威化紙製食,可以食落口,不過味道較清,建議配忌廉食,窩夫上的蘋果味較出,酸酸甜甜非常開胃。

活動資訊

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠