人氣糯米糍店踩過界！情侶檔自家創作鹹甜撻

講到90後開設的甜品店，要數成功例子，不難聯想到專賣麥提莎糯米糍的Sum Sum Dessert。

Sum Sum（店主）最近踩過界，伙拍廚藝同樣厲害的男友，情侶檔推出一系列焗撻，男仔整鹹撻，女仔負責甜撻，好sweet！

每星期均有新品，推出店主短短一個月已設計多達13款，目標創作100款。由搓撻皮，到煮醬汁、食材調味，最後裝飾入爐，全部親力親為。小編精選了當中4款率先試，睇睇試食報告： 

1. Egg Benedict碳燒雞肉撻（$35個/$65兩個）

以碳燒雞內粒墊底，上面放有一隻水波蛋，與自家製的荷蘭醬非常合拍！煮荷蘭醬時加入檸檬汁，酸味剛好，讓牛油和雞蛋的膩滯感降低。

2. 原隻章魚海鮮咖哩撻（$35個/$65兩個）

選用香而不嗆的黃咖喱，迎合大眾口味；當中加入大量預先炒香的海鮮，如蜆內、蝦、八爪魚、鮎魚柳等，撻面更有原隻八爪魚超足料，撻底似蒜蓉包般吸盡咖哩汁，小編最愛！ 

3. 士多啤梨朱古力乳酩芝士撻（$35個/$65兩個）

撻內注面朱古力漿，當中拌入酸酸的士多啤梨和乳酪，面層再有層脆蛋白和棉花糖，微微加熱更好味。怕甜的朋友，最好兩人share一個～

4. D24榴槤乳酪芝士撻（$35個/$65兩個）

甜撻之中，無論在賣相和味道方面，都以這凍食榴槤撻最吸引！（對榴槤Fans來說～）

撻底鋪有薄薄一層海綿蛋糕，選用綿密甘濃的D24榴槤再拌入乳酪芝士，注入撻中口感軟綿綿之餘，又食到絲絲果肉，層次不單調。面層再放有杏仁、朱古力碎，以及Sum Sum最出名的迷你糯米糍，Toppings上更加一頂「焦糖帽子」，味道以外，視覺效果都取得很高分數。

---------------

購買方法：

每星期供應4日，27/2-5/3期間逢星期二、三、六、日供應，可透過Whatsapp 6601-1523預購，於觀塘店取貨

詳情可看官方Instagram：feifei.crazypie/ sumsum_dessert