任食甜品+送生蠔！銅鑼灣高空歎Brunch食足3.5小時

銅鑼灣柏寧酒店餐廳SKYE 最近推出了「周末早午餐」，頭盤和主菜以外，還可以任食車仔上的甜品及享用贈送的生蠔，供應時間由11:30am供應至3pm，可以歎足3.5小時。

餐廳望向維港一片大海景，設室內及室外座位，放晴時露天酒吧的環境特別舒服，不妨坐出出面食Brunch！（開放時間為12nn後）

餐牌包含什麼食品呢，立即睇睇：

4道菜包括凍食頭盤、餐湯/熱食頭盤、主菜，以及供任食的甜品。凍食頭盤方面，沙律以外，生牛肉片都是一個不錯的選擇；牛肉片以松露油醋調味，帶來陣陣香菇味之餘，也令到生牛肉口感更軟滑，好味！

至於餐湯與熱食頭盤之間，小編就選擇了前者！海鮮湯湯底以龍蝦殼熬成，橙黃色的湯味道極濃郁，將湯注入多款海鮮如鮮蝦、青口、貝殼類海產之中，熱湯更有助即時逼出海產的鮮甜味。

食素的朋友，推介選擇蔬菜芝士無酵餅作熱食頭盤。

而主菜方面，必點燉牛肉！以慢煮的方法製作，醬汁完全滲透入牛肉之中，牛肉質感亦非常軟腍鬆化，與軟綿綿的伴菜薯蓉非常夾。

不太建議點選慢煮龍蝦，一來份量較少，二來雖然肉質彈牙但味道未算驚喜，要追加$100之下，有其他更好的選擇。

食完主菜輪到甜品，餐廳內有一部甜品車仔，店員會親自推到食客面前讓他們挑選。新鮮士多啤梨、杏仁鳥結糖、朱古力以外，多款甜品都很吸引，特別是拿破崙和法式小蛋糕，值得Encore。

周末自助餐每位收費$500，包無限暢飲Prosecco Treviso Brut Spumante Masottina NV、汽水及鮮榨果汁，加$250更加任飲香檳。只需提前提座，每4位客人即可享一打免費新鮮生蠔，周末想食豪一點，可以諗諗！

HK 港生活 APP 登場！