羅宋湯x上海麵 中環型格麵店

提到羅宋湯只想到配餐包通粉，實在太out！中環新開的羅宋湯專門店Wheatfield X，以簡約俄羅斯地下鐵車廂設計，主打多款俄式羅宋湯上海麵。

上海做法的俄式羅宋湯是50、60年代，香港上海西餐廳常見菜式，並非fusion新品，但今次創新配搭上海麵、鮮製意粉、日式拉麵，或配牛油甜餐包，有別與坊間茶餐廳大路的通粉及公仔麵配搭。

麵店以快餐模式如車仔麵般，提供4款湯底包括牛腩、豬骨羅宋湯、紅菜頭湯及俄式清雞湯，再自由搭配上海麵、意粉、日式拉麵或牛油甜餐包。另追加配菜小食燒澳洲肉眼、燒豬髀肉、溏心蛋、炸雞翼等。

招牌的牛腩羅宋湯上海麵$58，羅宋湯用上大量牛腩煲足30小時，加上大量番茄、椰菜、蘿蔔、青椒等材料。質地濃稠帶微辣，牛腩香腍，幼身上海麵配吸了濃湯的鮮味，更加美味。

紅菜頭湯拉麵配燒豬髀肉$58，酒紅色紅菜頭湯用上紅菜頭、淮山、西芹、洋蔥及薯仔等，全素蔬菜煲成，湯底清甜不油，用料十足。配上大大片燒豬髀肉，香嫩啖啖肉。

小食都很吸引，即叫即炸的蝦多士$22，香口脆卜卜。香煎鹹牛脷豬仔包$38，香脆豬仔飽夾着厚切牛脷、生菜及番茄，鹹香滋味，是不少客人下午茶必選。