3大日本超人氣甜品新上架！尖沙咀超市甜品店尋寶

日本出品的甜點，向來叫不少喜歡吃甜品的朋友著迷！

在尖沙咀超市內的如水亭及山下菓子專櫃，時不時都會買到讓人驚喜的日本甜品，近月甜品店就引入了多款人氣超高的BOCCA牧家甜品，全部由北海道空運到港，不用去旅行都可以食到。

最大亮點，一定要數這款「牛乳千層蛋糕」，據了解不少甜品迷試過後都想encore再買！千層蛋糕以Bocca 牧家100%純牛乳製成，所用的食材大有來頭，每件蛋糕用到的牛奶均可透過登記制度追查。

如水亭引入了半月裝（$180）及原個裝（$350）兩款，原個裝可切成細件供8-10人享用，有多個生日蛋糕選擇。

食用牛乳千層蛋糕前，需從冰格取出放在雪櫃下層解凍約2小時，解凍後的蛋糕班戟皮非常軟滑，夾層的牛乳忌廉綿密，味道突出但不算十分甜膩，值得試試！

除此以外，BOCCA牧家氣球布甸也是人氣之選！每個都圓碌碌似足水彈，一共有4款口味供應，包括原味牛乳、朱古力、焦糖布丁及忌廉芝士，一筒有四件，每筒$100。

只要用牙籤一篤，氣球「卜」一聲爆破，滑嘟嘟布甸就會破殼而出彈彈吓。牛乳和忌廉芝士味味道不錯，前者口感較幼滑，後者則較creamy，想平衡芝士的膩滯感，可配搭果醬一起進食。

比較起來，朱古力氣球布甸就比教遜色，可可與牛奶的味道較分離，而且質感不似白色氣球布甸般柔滑。

甜品店同時間亦引入了另一款BOCCA 牧家甜品「殿堂級芝士蛋糕（$160）」，芝士蛋糕表面有一層焦糖，上下兩層配合起來似Creme Brulee。芝士蛋糕質感綿密，甜品獨有的焦香甘甜味於日本就頗受歡迎，你又喜歡嗎？

甜品現貨有限，想試的朋友，最好預先致電問問存貨量；或到官方Facebook/致電3528-0351預購。

甜品店旗下更多售賣點（山下菓子）：

1. 荃灣廣場L! Kiosk 1A（近MUJI）
2. 將軍澳新都城2期1/F（近Body Shop）
3. 將軍澳將軍澳廣場1037-1037 kiosk c
4. 馬鞍山新港城中心第4期2040-2041店