外賣實測有無伏！「芝士薄餅雞」登陸香港KFC

早前率先於多個東南亞國家及外國推出的「Chizza薄餅雞」，最近靜悄悄登陸香港KFC！ 

以脆雞扒代替Pizza的批底，「港版Chizza」跟其他地方的有少許差別，面層鋪有芝士、粟米、菠蘿加上經典千島醬，但就換走了火腿/煙肉，少一點肉，感覺上無咁Heavy。

一客4件，原價$118，現有試食價只賣$98，暫時只限外送，11am開始供應。

於其他地方推出時，不少食客都遇到同樣情況，就是「Chizza薄餅雞」的賣相貨不對版，Toppings與炸雞可能在運送途中移位，變成雞還雞，配料還配料。

就等小編嗌外賣實測，睇睇賣相、味道有無伏！

小編於未到午餐時段就order了「Chizza薄餅雞」，大概25分鐘就送到；外賣兩份薄餅雞，賣相都無「走樣」得太過份。

加上多汁的菠蘿粒，中和了一點炸雞的油膩；Toppings幾多，每啖都食到芝士和粟米，可能是雞件上塗滿稠身千島醬的關係，一人食一件都有少少飽，有優惠價試得過！