旺角新開小食店　$28歎八款料足料芋圓甜品

有「食街」之稱的旺角登打士街最近有新血加入，新開了一間叫「台灣小食」的外賣店，故名思義主打多款台式小式。

店內大部分食材都由台灣直送抵港，老闆希望將街頭小食風味帶到香港。 

1. 綜合芋圓（$28）

數到店內必吃小食，一定是綜合芋圓，可選仙草或刨冰作底。小編選了仙草底，一碗有齊芋圓、紅豆、綠茶果凍、芋泥、沖繩黑糖漿等共7款料，$30有找相當抵食。

店內所供應的芋圓及地瓜圓都夾有餡料，橙色和紫色的是蕃薯皮配芋頭餡，而白色的則是芋頭皮配蕃薯餡；外層彈牙，內裡軟綿綿，相比之下蕃薯味比芋頭味突出，淡淡清甜。

值得一提，仙草、紅豆餡和芋泥都是由店內新鮮即製，切合港人口味，不太甜。

2. 香烤胡椒餅（$15/套餐跟芋頭酥 $25）

店內另一主打，是台灣街頭常見的香烤胡椒餅。新鮮熱辣出爐，離遠已聞到陣陣胡椒香氣，食落辣味更嗆，不過略嫌肉汁較少、較乾身。

3. 麻辣鹽水雞（$38/套餐跟黑糖仙草奶$55）

喜歡啖啖肉的話，必試招牌麻辣鹽水雞！無骨雞肉撕成一小一小件，拌入爽口粟米、紫洋蔥、蓮藕等配料，加上辣醬汁，愈食愈麻，食落有驚喜。

鹽水雞肉質幾嫩，不過如果雞味更鮮更突出會更好。

4. 黑糖仙草奶（$22/套餐跟鹽水雞$45）

台式飲品方面，外賣店暫時只供應這款黑糖仙草奶。同樣使用味道帶點微甘的黑糖漿，仙草加入刨冰，很爽，最啱配麻辣鹽水雞一齊食！

店內另有供應其他人氣台式小食，如大腸包小腸、奶茶雪糕等；暫時還是試業階段，之會或會增加更多食品及飲品款式，下次出開旺角掃街，有多個新選擇啦~