正在閱讀
點心+海鮮+任食火鍋料!觀塘新開「五味」火焰雞煲店

點心+海鮮+任食火鍋料!觀塘新開「五味」火焰雞煲店

2017.03.22

觀塘區有不少親民價火鍋店,最近又有多一間進駐! 

位於開源道的東煲西炒,雞煲不但以「火焰」作主打,還加入「五味」元素,設計出甜、酸、苦、辣及奇味共5款雞煲,每位套餐價$168(另收加一)。

選用肉質細嫩、香而不油的三黃雞,全部即叫即炒;上枱時更會加入干邑拉出火焰,有視覺效果之餘,更能迫出香料獨特的香氣。

酸味雞煲加入酸菜,而苦味和辣味雞煲就分別加入了苦瓜和野山椒。小編今次就試食了兩款 — 甜味雞煲和奇味雞煲。

甜味雞煲主角是炒香的蜜糖烤雞,並且加入大量新鮮香甜的紅黃椒,味道比較清淡,適合怕辣的朋友食。

而奇味雞煲則用上印尼沙嗲、花椒、八角,辣中帶有絲絲麻香和甜味,比甜味雞煲惹味得多。

享用雞煲的同時,可以一邊歎火鍋套餐包含的點心拼盤,包括有多款菜餃,隻隻都脹卜卜,皮薄餡多,好味!

輪到火鍋部份,食完雞煲後店員幫忙注入清湯,不但可以享用火鍋拼盤,任食火鍋料亦有不少,全部食品包括手打鮮蝦丸、自製製餃子、肥牛、魚片、各式丸類和蔬菜等等。

嫌選擇不夠,更可加$30追加海鮮拼盤,當中包含大花甲、生蠔、扇貝及青口等等。(視乎來貨,每日可能略有不同) 

海鮮的質素不錯呢,特別是貝殼類,味道鮮甜,肉質彈牙又無沙。

 

不喜歡吃雞煲的話,亦可選擇其他火焰湯底,如蟲草花野菌鍋、蕃茄濃湯海斑鍋、新鮮花甲海蟹鍋等,配搭不同種類的酒帶出火焰效果和香氣,單點火鍋料。

啤酒、汽水、健康飲品亦供任飲,選擇幾多。

開業優惠:

5月30日或之前,只要向店員出示讚好「東煲西炒」及「東海飲食集團」或「East Lounge」的Facebook專頁,即可享8折優惠。折後連同$10茶芥,每位$170有找,九龍東區朋友有多個火鍋地點選擇。

活動資訊