正在閱讀
$98抵食自助餐 工廈發掘歐陸風餐廳

$98抵食自助餐 工廈發掘歐陸風餐廳

2017.03.26

香港地寸金尺土,不少店舖、餐廳近年都選擇搬入工廠大廈,租金較便宜,但面積相對較大,可以發揮的空間自然較多,近日有讀者報料,於牛頭角近九龍灣一幢廠廈之內都有一間裝潢十分格調的餐廳「嚐品慕茶」,逢周五更推出$98午市自助餐,即刻一齊睇睇有咩食啦!

 

來到偉業街昌興工業大廈樓下門口,可以見到餐廳的海報寫住$98午市自助餐,供應約20款食物,任飲任食之餘仲免收加一。

 

入到餐廳可以見到歐陸式的裝潢,空間感十足,而且不乏大圓桌,由單人匹馬,以至十數人同檯食飯亦得。

 

前菜方面有凱撒沙律、碎蛋沙律、胡麻醬青瓜、法式麵包、煙三文魚他他醬多士等。

 

小編當日遇上的餐湯是甘荀忌廉湯,味道濃郁,而且非常creamy。

 

熱盤方面有鹽燒原條秋刀魚、青咖哩豬頸肉、意式黑醋雞扒、紅酒汁牛粒、七彩炸雞粒、黑松露意粉、海鮮墨汁飯等,雖然不算非常矜貴的食材,但是煮法上總算有心思。

 

甜品約有4至5款選擇,這裡的自家製茶味意式手工雪糕特別值得一讚,除了有大家經常吃到的抹茶雪糕,玫瑰花茶味和玄米白茶味都是心機之作,玫瑰色味雪糕不算太甜,吃得到淡淡的玫瑰香,至於玄米白茶味的麥味香濃,如果喜歡較濃味的朋友可以試這款。

 

另外,餐廳星期一至四供應半自助午餐,價錢由$58至$98不等,可選指定主菜一款,跟任食任飲沙律、麵包、湯及果汁。

 

總括而言,以$98的價錢吃到自助午餐其實物有所值,雖然地點稍稍不太方便,但若果budget有限,又想搵到環境舒服的自助餐,這裡都是一個不錯的選擇。

 

 

活動資訊

有新嘢玩!《社群》專區登錄App

↓必睇人氣美食主題深度關注組↓

必睇人氣美食主題深度關注組

↓「App限時搶」大派現金券!↓

↓記得逢星期三3PM入App搶!↓

記得逢星期三3PM入App搶!

評語

獨家優惠

  • 珮氏驅蚊爽防水手帶(米妮加跳跳虎)

    珮氏

  • 【新會員限定】廚房消毒濕紙巾10片裝

    維達

  • 二人同行享95折優惠

    The Handcrafter 金工銅/純銀製作體驗班

  • 更多優惠

輕掃查看其他優惠

【超市優惠】消委會格價網一次睇勻6大超市售價+優惠+跌價!百佳/惠康/萬寧/屈臣氏/AEON/大昌
APP獨家
【超市優惠】消委會格價網一次睇勻6大超市售價+優惠+跌價!百佳/惠康/萬寧/屈臣氏/AEON/大昌
【虎年運程2022】雲文子12生肖虎年財運+事業運勢!屬虎:聽信內幕易破財/屬蛇:轉工機會微
APP獨家
【虎年運程2022】雲文子12生肖虎年財運+事業運勢!屬虎:聽信內幕易破財/屬蛇:轉工機會微
【團體相教學】5大搞笑團體相拍照教學 一大班朋友外出時拍照留念 好笑又好玩!
APP獨家
【團體相教學】5大搞笑團體相拍照教學 一大班朋友外出時拍照留念 好笑又好玩!