正在閱讀
最平$40食即場手拉麵 新蒲崗京川滬拉麵店

最平$40食即場手拉麵 新蒲崗京川滬拉麵店

朋友提起過,新蒲崗有間好好食嘅小籠包拉麵店,

今日終於可以可以嚟試下〜  

天氣凍冰冰,餐廳裹著都好熱鬧,雖然比較迫人,食客都唔介意。

師傅動作瀟地拉麵

 

手做拉麵好考功夫  見師傅都無時間休息〜

 

這邊的麵食都是約$40 起,包括湯麵、担担麵,冷麵,

頭盤、小食、上海點心都是$39起,

另外有小菜客飯及2人套餐,選擇都挺貼心的。

超滿坐喔,平日夜晚7點等幾分鐘就有位,

落完單一陣就送到〜

麻辣三絲冷麵 $40

冷麵因是手拉的特別彈牙,配料有火煺、青瓜及雞絲,

而麻辣的花椒油有點多,會比較飽滯。

菜肉雲呑 $39/8隻

雲呑裏載滿切成大粒的小棠菜,新鮮有咬口,

配上豬肉十分鮮甜,每粒都十分充滿肉汁的,很讚喔!

羊肉搶湯拉麵 $48

冬天的羊肉麵特別暖胃,羊肉唔會老,帶有羶味,

配菜有津白芫茜,湯底一啲都唔油可以飲清光。

人手拉麵條因此會稍為大小不一,很有咬口相當好吃!

招牌小籠包 $39/5隻

呢到岀名嘅小籠包,大大粒,湯汁超多!!!!

包皮做得好,唔會一夾就穿,唯一餡料切得太碎,口感上未能到最好。

我地倆個人都好飽肚,平均 $81/位,

見到剛從廚房岀嚟嘅炒拉麵都好吸引,

好食又地道價錢唔太貴,會想再嚟食多幾次,下次試其他菜式先〜

原文刊載自UBlog,本篇圖文獲作者 MOHKC 頭上插著筷子, 到處吃!  /  MOHKC 頭上插著筷子, 到處吃!  Facebook專頁授權刊登,未經許可,請勿轉載。 

原題:[ 手拉麵小廚 ] Bookmark人氣小館 暖粒粒手拉麵小籠包 

活動資訊