正在閱讀
$80雞翼放題!4小時任食4款口味

$80雞翼放題!4小時任食4款口味

位於登打士街的樓上cafe龍華軒,最近推出任食雞翼放題,每位食客連加一只需$80,至啱一班食肉獸開餐!

 

全店共有上下兩層,店內優閑的氣氛,適合一班朋友眾腳聊天。

 

雞翼放題於每日2pm至6pm期間供應,提供四款口味雞翼,包括蜜糖味、蒜香味、香草味及鹽香味,可以食足四小時。

 

平時單叫一份雞翼都要$40,食兩份已回本。

 

 

店員會一次過上齊四款口味雞翼,每碟共7隻,隨後食客可以按喜好和食量,追加不同口味和份量的雞翼。

 

小編推薦蜜糖雞翼,食落外皮香脆,蜜糖夠入味;另蒜香雞翼亦是人氣之選,蒜味香濃之餘,粒粒炸蒜帶出雙重口感。

  

 

  

香草雞翼及鹽香雞翼味道偏淡,但亦值得一試。

 

 

食太多雞翼口渴的話,可以加錢另配飲品,Oreo朱古力($42)味道香滑。

  

雞翼放題只接受預先訂位,老闆話曾有兩位客人成功挑戰99隻雞翼,想要挑戰紀錄就記得要訂位啦,但記住食得晒先至好嗌! 

活動資訊

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠