正在閱讀
辣得過癮!長沙灣懷舊風「雲南老巷」

辣得過癮!長沙灣懷舊風「雲南老巷」

平時除左係旺角附近打等之外,長沙灣都係我成日出沒的地方,但成日都食茶餐廳,真係幾好味都會覺得悶!呢排比我發現左有間新開的米線,一定要試下先!

店舖裝修非常懷舊,門口仲有即整煲仔飯! 

食店唔大,門口好細,真係肥多少少都好難入!全店都係用70-80年代裝修,最鍾意佢個冷氣開放的燈牌! 

懷舊當中的裝飾物都帶有小小雲南味道! 

我叫左牛柏葉、豬耳同埋十三香雞肉配秘製醬汁撈米線。個碗真係好靚而且好大碗! 

自家製的秘製醬汁撈米線的確唔錯,食到有小小茴香的味道,亦好重香料味,但我只係叫左小小辣都辣我si si聲,唔食得辣的朋友真係要揀唔辣! 

老公叫左豬骨濃湯米線,因為佢話呢排太熱氣,所以無叫到辣! 

 

雲南老巷

地址:長沙灣元州街473號地舖

原文刊載自UBlog,本篇圖文獲作者 Ying住食住行 / Ying住食住行 Facebook專頁 授權刊登,未經許可,請勿轉載。 

原題: 【YING住食】長沙灣小店米線「雲南老巷」 

活動資訊