正在閱讀
$130有找 觀塘2.5小時任飲任食火鍋推介

$130有找 觀塘2.5小時任飲任食火鍋推介

最近新年食左好多煎炸野,開市都應該同三五知己食返D好野啦

新年美食第一擊,觀塘食民營新春限定任飲任食火鍋

九個湯底任簡,個藥膳湯底超級香呀

材料充足,味道濃郁,經過佢既一番浸泡,D肉味出黎特別有風味,非常值得一試 

雖然我不是在觀塘返工,但是好多影樓都在觀塘

所以我經常到觀塘工作

收咗工大家都會一齊喺觀塘食下嘢,發掘下觀塘嘅美食好去處

今次來到位於觀塘開源道開聯工業大廈A座地下6C, D舖的食民營 Food N’ More 

佢外貌好似一間foodcourt咁

本來都係打算叫下餐食就算,開爐食餐都好灰下(´∩`。)グ

不過見到有任飲任食火鍋,新年又食左好多煎炸嘢

Dry到爆(ノД`)・゜・。有火鍋又想食下(p>□<q*)) 

佢任飲任食全包價,在六點半之前入座都係128 ,都幾抵

喺附近做嘢嘅朋友,收工行落去時間配合得啱啱好

而家去快餐店打個邊爐都差唔多成舊水啦-->重要唔飽(男士心聲)

以觀塘食嘢嚟計,都算係咁 

食火鍋最重要梗係湯底

一個好嘅湯底可以令到食物既味道,增加百倍

佢一共有九個湯底可以選擇 

我就肯定係叫皮蛋芫茜湯底 

最令我覺得特別嘅係

佢皮蛋都算多,皮蛋去到最後都冇溶曬

而且啲皮蛋重超級好味 

藥膳湯底

本來對呢個湯底期待  

因為我唔太鍾意味道 

不過呢個湯底一來到,就超級香

 

搞到我都忍唔住要淥一淥

意外嘅係藥膳湯底有好香酒味,雖然我唔飲酒嘅但是都食到

而且味道非常濃郁,材料又非常充足

經過藥膳湯底煮熟嘅肉類,另有一番味道 

非常好味,令到我都忍唔住獨霸咗呢個爐 

淥完豬肉 

又淥魷魚翼 

最後再加埋肥牛公仔麵

真係由頭食到落尾 

冬陰功湯底 

色澤同香味都好好,不過我唔食冬陰功

所以冬陰功略過 

一上湯底我哋就攞到成枱都係野

視覺上同心理上已經覺得好滿足 

菜類都非常新鮮 

肉類同丸類 

最驚喜係有成隻開邊既魷魚翼,超級新鮮,首選推介 

要激讚呢個蟹柳

 

唔係嗰啲錄完之後冇曬味嘅蟹柳,熟咗之後 蟹柳味仲非常濃郁

其實打邊爐來來去去都係嗰幾樣嘢

佢令我覺得抵嘅地方是

佢啲嘢都好新鮮,同平時食開酒樓嗰啲任飲任食火鍋比真係好好多 

佢有幾種醬汁任君選擇 

呢一個醬汁

我中咗埋伏 !!!!

因為佢第一啖嘅味道甜甜地,幾好味

不過 ,之後佢既辣味慢慢佈滿我嘅味蕾

嗰種辣 ,以我好怕辣黎計,真係萬千滋味在心頭

說不出口的辣

如果你係喜歡食辣的朋友

這個醬汁真的非常值得一試

因為他的辣得非常有層次感

首先會感到微甜,然之後開始慢慢辣

嗰種感覺唔試過真係唔知道 

這一個泰式 醬汁

外貌非常吸引,翠綠的非常清新 

沒有之前那個醬汁那麼濃郁

微酸帶辣又係另一種感覺

酸辣嘅感覺開胃之餘,可以中和肉類的油膩感

點完呢個醬汁,肉都可以食多幾塊 

相對於之前兩個帶辣嘅醬汁

我個人嘅首選就一定係傳統嘅豉油加生蒜

因為我自己唔鍾意食蒜頭,但係又想有蒜頭味 (麻煩人)

佢啲蒜頭大大粒 ,令到啲豉油有蒜味之餘,又唔會黐住我啲肉

大愛 

打邊爐必備

豬 牛 雞

睇落去都幾新鮮,肉質令立立

個豬肉經過花雕醉雞湯底

真係超級超級超級好味!!!!!

可能係因為我手勢好v(@∀@)v 

香茅茶同夏枯草

香茅茶,都係第一次飲

甜甜地都幾特別

不過香茅味就唔係個個都受得,大家量力而為

夏枯草,可以清熱氣,食得多熱氣嘢,打完邊爐,必需大量補充

熟食方面 

好驚喜可以見到 碗仔翅 

真係有街邊小店嘅味道 

泰式鳳爪

因為我個人鍾意吮雞腳指

略過

不過個樣睇落好吸引 

泰式沙律 

韓式炸雞

雞肉真係大大塊 

春捲 

花雕醉雞翼

甜品方面 

每人一客雪糕 

巧克力味道 

有好香朱古力味 

雲呢拿味 

雪糕質地非常滑 味道濃郁 

有黑色一點點 雖然唔知係咩 但係食落口感幾特別

可能因為新年剛開始的關係,款式不算十分多

雖然款式不算十分多,但是每樣都很新鮮

味道很好,都係我會想吃的

因為我比較細食,就算任飲任食

我都淨係可以食個幾樣,所以材料新鮮同味道,比款式更重要

縱然一間餐廳有十萬個款式,但是都不好吃,我一定會唔開心

老闆話材料、款式、甜品會陸續更新,推出更多款式

也會引進一些玩樂設施,希望大家吃得更開心

咁我都期待下,下次我再去的時候會有更多更吸引我嘅地方

原文刊載自UBlog,本篇圖文獲作者 Queenie Ma Makeup / Queenie Ma Makeup Facebook專頁 授權刊登,未經許可,請勿轉載。 

原題:❤美食好去處❤觀塘~Food N’ more 食民營任飲任食火鍋~新年新口味 

活動資訊

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠