Guschlbauer 麥上日光又有新搞作!由即日起推出兩款期間限定口味- 芝朱俠(五層流心法國朱古力芝士包) 及當芒果戀上熱情果(五層流心熱情果芒果芝士包),芝士迷又有福了!
五層流心法國朱古力芝士包 ($36/ 個)以含62%可可成份的Valrhona朱古力配忌廉芝士製成。
一打開包裝已傳來陣陣朱古力味,食落朱古力芝士口感香濃軟滑,中層夾有大大粒車厘子,似足平日的黑森林蛋糕。
另五層流心熱情果芒果芝士包($32/個)則以熱情果及芒果為主,配上忌廉芝士,面層更放有粒粒紅莓乾。
啖啖都果味濃郁,忌廉芝士味亦突出,但味道偏酸。
兩款新口味每款限量供應300個,售完即止,想食的話,就要把握機會啦!
HK 港生活