文華冰廳重現旺角！熱賣沙茶牛米+碟頭飯

位於旺角的香港老冰室「文華冰廳」，因老闆退休移民於2016年年底結業；雖然冰室食品的味道不算非常突出，但不少支持了文華多年的朋友都大嘆可惜，表示又少一個陪伴成長的聚腳點。 

小編最近行經旺角，發現文華冰廳在通菜街重開了！

新店鋪面較以往光鮮，不過門前的麵包櫃和蛋撻架就消失了；店內裝潢以「懷舊」為主題，而牆上則掛有文華冰廳老店的舊照片。

食品方面，新店跟舊店一樣，供應一般冰室食品如滑蛋多士、咖啡奶茶、碟頭飯等等。

重點推介，當然還是文華的經典食品「粉麵套餐」、「煎蛋豬扒飯」、「西多士」，睇睇味道如何！

1. 粉麵套餐（$32起）

粉麵當中，文華冰廳的沙嗲牛肉米粉一向人氣幾高！新店換走了「沙嗲」，改為更香更濃的「潮州沙茶」後，特別受食客歡迎。

2. 蔥油煎雙蛋豬扒飯（$38）

舊店的煎雙蛋飯非常受學生歡迎，貪它大大份，燶邊雞蛋配沙嗲汁/豉油簡單美味！新店繼續供應大大碟碟頭飯，煎蛋質素仍然不錯，蛋白部份幾香口，份量跟以前差不多。

3. 煉奶西多（$24）

新店沒有供應蛋撻，就試試西多吧！上枱前，西多士已淋上煉奶，味道偏甜。

飲品方面，新店則繼續供應凍奶茶（$19）、紅豆冰（$22）、雜果冰（$22）、滾水蛋（$16）等經典飲品，價錢合理，但未見十分驚喜。

對於幫襯開文華多年的朋友來說，新店整體可能就少了一份親切感，不單止餐廳格局和部份食品款式改變了，從前年長的叔叔、伯伯亦較換成年輕侍應。

小編詢問過店員及翻查資料，舊老闆現已移民生活，為保留冰室情懷，夥拍連鎖集團「太興」，讓集團重開店鋪，文華的Fans又會不會特意再訪呢？